Wasiirka Wasaaradda Arrimaha Gudha iyo Amniga Qaranka Soomaaliya Mudane C/kariin Xuseen Guuleed ayaa su’aallo uga jawaabay Shacbiga Soomaaliyeed ee ku kala nool dalka gudihiisa iyo dibaddiisa ayadoo sidoo kalena uu Wasiirka aragtiyadooda kala duwan ka dhageystay shacabka.
Mudane C/kariin Xuseen Guuleed Wasiirka Wasaaradda Arrimaha Gudaha iyo Ammaanka Qaranka ayaa xalay marti ku ahaa barnaamijka Bandhiga Wareysiyada oo ka baxay Radio Muqdisho iyo Telefishinka Qaranka Soomaaliyeed (SNTV) waxaana uu Wasiirku fursad u siiyey shacabka iney toos su’aallo usoo weydiiyaan ama ay talooyinkooda usoo gudbiyaan.
Ugu horeyn Wasiirka Wasaaradda Arrimaha Gudaha iyo Amniga Qaranka Mudane C/kariin Xuseen Guuleed ayaa uga mahad celiyey shacabka Soomaaliyeed ee ku kala nool dalka gudihiisa iyo dibaddiisa sidii kalsoonida laheyd ee ay u taageereen Xukuumadda uusoo dhisay Ra’isulwasaare Cabdi Faarax Shirdoon (Saacid) isagoo taageeradaasina ku tilmaamay iney tahay mid ku dhiiragelineysa iney shacabka si hufan ugu adeegaan.
Mahad celintaasi kadib Wasiirku waxa uu faah faahin ka bixiyey waxyaabaha qorshaha u ah Wasaaradda ee uu doonayo inuu qabto waxaana uu xusay Mudane C/kariin Xuseen Guuleed Wasiirka Wasaaradda Arrimaha Gudaha iyo Amniga Qaranka in waxyaabaha ugu horeeya ee ay Wasaaraddu qabaneyso ay tahay xaqiijinta amniga Caasimadda iyo guud ahaanba gobollada Dalka ayadoo taasina ay la kaashaneyso shacabka Soomaaliyeed.
Si ammaanka loo xaqiijiyo waxa uu Wasiirku xusay iney lagama maarmaan tahay dhameystirka Ciidammada Qalabka Sida ee Soomaaliya,tayeyntooda iyo qalabeyntoodaba taasina ay muhiimad gaar ah siin doonaan ayadoo laga bilaabayo wanaainta dishibiliinka Ciidammada waxaana uu Wasiirku ammaan iyo bogaadin u jeediyey Xukuumadihii KMGka ahaa ee dalka soo maray gaar ahaan Xukuumaddii ugu dambeysay oo uu ku ammaanay ineywaxbadan qabatay.
Waxyaabaha uguhoreeya eeay wax ka qabaneyso Wasaaradda Arrimaha Gudaha iyo Amniga Qaranka ayuu sidoo kale tilmaamay Wasiirku iney ka mid tahay la dagaalanka Xagjirnimada oo dhowr siyaabood loola dagaalamayo siyaabahaasi oo ay ka mid tahay wacyigelinta waxaana uu rajo ka muujiyey bur burinta xagjirnimada.
Shacabkii kala duwaan ee barnaamijka kasoo qeybgalay inta uu socday ayaa waxey Wasiirka ugu hambalyeeyeen xilka loo igmaday ayagoo Allena uga rajeeyey inuu shaqadiisa la garab galo ayadoo sidoo kalena ay shacabku soo dhoweeyeen talaabooyinkii ugu dambeeyey ee ammaanka loo qaaday oo ay ka mid yihiin qaadista isbaarooyinka.
Ugu dambeyntii Wasiirka Wasaaradda Arrimaha Gudaha iyo Amniga Qaranka Mudane C/kariin Xuseen Guuleed ayaa shacabka Soomaaliyeed ku guubaabiyey iney ganac ka geystaan soo celinta ammaanka iyo kala dambeynta Dalka isagoo si gaar ahna baaq ugu diray Qurba Joogta oo uu ku guubaabiyey iney Ciidammadooda taageeraan.
Asc wasirka iyo dhaman shaqalaha radiomuqdisho wan ku faraxsanahay hada nahay umada somaliyed sida wanagsan u wasirku ugu jawabay su alihi ay so weydiyen umada somaliyed aniga waxan ku dari laha inwasirka cadalada ku shaqeyo waligis wana mahadsantihin
Guul ayaan Allah uuga baryayaaa wasiirka Arimaha Gudaha C/kariin Xuseen Guuleed AAMIIN.
aniga waxan aaminsanah hadi amaan la raabo waa laasim iney shacabka dowlada la soo xaariran .lakini dowlada nambar laga soo waaco please haa sameso.sidii nambarkii 888.
ASC, waxaan salamayaa dhamaan shacabka somaliyeed iyo dowladeena.
Waxaan aad ugu faraxsanahay in Illaah nasiiyey dowlad ay hogamiyaan dad aqoon uleh.
Waxaan ugu habalyenayaa Wasiirka arimaha gudaha iyo aminiga sida wanaagsan uu howsha iyo musulida loo dhiibay uu u gudanaayo waxay somali soo celisey niyadeena waana ku amaanayaa sida uu shacaybka somaliyeed uu ugu qanciyey su’aalaha ay soo waydiyeen.
waxaan illaah ugu rajeynayaa qayr. amiin