War-murtiyeedka Wasiirada arrimaha dibadda Afrika

Shirkii Wasiirada Arimaha Dibadda ee lagu qabtay xarunta magaalada Malabo ee dalka Equatorial Guinea ayaa waxaa laga soo saarary war murtiyeed ka kooban sagaal qodob:-

1. Waxaa lagu soo dhaweeyneysaa heshiiskii dib u heshiisiinta madaxda dowladda KMG Soomaaliya ee ka dhacay magaalada Kampala ee dalka Uganda, sidoo kale waxaa qeybaha kale ee xukuumadda KMG lagu booriyay in ay dar dar geliyaan go’aannada ka soo baxay heshiiskii Kampala oo ka mid aheyd, muddo kordhinta loo sameeyay hay’adaha dastuurka KMG Soomaaliya, is casilaada Ra’iisul wasaare Farmaajo iyo doorashada Ra’iisul wasaare cusub iyo ansixintiisa, si wax badan looga badalo dhibaatooyinka lixaadsaday ee ka aloolsan gudaha dalka Soomaaliya.
2. Waxaa sidoo kale hambalyo loo soo jeediyay Madaxweynaha iyo Afhayeenka Baarlamaanka sida wacan ee ay u soo afjareen murankii siyaasadeed ee mudada dheer soo jiitamayay, sidoo kale waxaa mahad balaaran loo jeediyay dowladda Uganda iyo UNSRSG oo si aan kala har leheyn u muujiyay dadaalkooda ku aaddan dib u heshiisiinta iyo nabad ku soo dabaalida dalka Soomaaliya, islamarkaana loo dhameyn lahaa murunka siyaasadeed ee soo noqnoqday, taa oo u gu danbeyntii guul ku dhamaatay.
3. Waxaa sidoo kale kulankaasi lagu soo dhaweeyay magacaabista iyo ansixinta Ra’iisul wasaaraha cusub ee dowladda KMG Mudane Cabdi Wali Maxaxamad Cali isaga oo laga codsaday in uu si deg deg ah u soo magacaabo wasiiro wax qabad u leh dadka iyo dalka Soomaaliya, taa oo ka mid aheed heshiiskii lagu qabtay magaalada Kampala, si dalka iyo dadkaba looga samata bixiyo dhibaatada aan kala sooca laheen ee ay kooxda khawaarijta Al-Shabaab kawadaan gudaha dalka Soomaaliya.
4. Waxaa sidoo kale amaan balaaran iyo mahadnaq aan la soo koobi Karin loo soo jeediyay dowladaha Uganda iyo Burundi oo ciidamadadooda ugu yaboohay dalka Soomaaliya iyaga oo si hagar la’aan ah naftooda iyo maalkoodba ugu huray sida ay nabad, xasilooni iyo kala danbeyn ugu soo dabaalaan gudahqa dalka Soomaaliya, waxaana ciidamada AMISOM ee ku sugan gudaha dalka Soomaaliya loogu baaqay in ay laba jibaaraan dadaalada ay ka wadaan gudaha Magaalada Muqdisho, si gacanta loogu dhigo dhammaan gobolladda dalka Soomaaliya, sidoo kale waxaa baaq xasaasi ah loo diray dowladihii horay u balan qaaday in ay soomaaliya ciidamo u soo dirayaan in ay si deg deg ah u soo gaarsiiyaan dalka Soomaaliya.
5. Waxaa sidoo kale boogaadin iyo baaq loo jeediyay dowladaha ku midoobay urur weynaha IGAD in ay si gaar ahaaneed iyo guud ahaaneedba uga taageeraan dowladda KMG somaaliya goobo cayiman islamrkaana ay xoojiyaan taageeraha kala duwan ee ay u fidinayaan dowladda KMG soomaaliya iyo ciidamada Ahlu Sunna Wal-jamaaca, si ay ciidamada qalabka sida ee dowladda KMG Soomaaliya iyo kuwa Ahlu Sunna Wal-jamaaca ay gacanta ugu dhigi lahaayeen goobo farabadan oo ka fara maran gacanta dowladda KMG Soomaaliya.
6. Waxaa sidoo kale baaq xasuusin ah loo diray Madaxda IGAD iyo Dowladaha ay maamulaan in ay dhaqan galiyaan Heshiiskii 30-kii Janaayo ee sadaka 2011 ka dhacay dalka Ethiopia caasimadiisa Addis Ababa ee ahaa in ay maal galiyaan ciidamada dowladda KMG Soomaaliya iyo kuwa AMISOM ee jooga gudaha Magaalada Muqdisho, si ay u labo jibaaraan howl galada ay waddanka kaga sifeeynayaan kooxda khawaarijta ah ee Al-Shabaab ee dhibaatooyinka kala duwan ku heyso caalamka oo dhan gaar ahaan dalka Soomaaliya.
7. Waxaa sidoo kale baaq loo diray hay’adaha Dastuuriga ee dowladda KMG Soomaaliya in ay diirada saaraan xaaladdda guud iyo gaar ahaaneed ee uu maraayo dalka Soomaaliya, islamrkaana ay xoojiso wada shaqeyntooda dowladeed ee xasaasiga ah, taa oo ay wehliso heshiiskii Kampala oo u qabtay waqti go’an.
8. Waxaa sidoo kale baaqyo gaar ah loo soo jeediyay Midowga Afrika, Qaramada Midoobay iyo Beesha caalamka kuwaa oo ku aaddan in lagu dadaalo horumarka dalka Soomaaliya, islamarkaana looga baahan yahay wax qabtad iyo gar gaar deg deg ah oo la gaarsiiyo shacabka ku dhaqan degmooyin ay dhawaan xoreeyeen ciidamada xooga Soomaaliya iyo kuwa nabad ilaalinta AMISOM.
9. Waxaa baaqyo is daba jog ah loo diray Beesha Caalamka iyo dhamaan dowladaha kale ee daneeya arimaha soomaaliya in ay labo jibaaraan dadaaladooda ku aadan badbaadinta haweenka iyo caruuta soomaaliyeed ee ku sugan dhamaan goboladda dalka Soomaaliya.