Shabaab oo lacago baad ah ku amray ganacsatada B/weyne

Published on June 30, 2011 by Mowliid · 6 Comments · 1,580 views

Malleeshiyadka kooxda Shabaab ayaa ku amray ganacsatada magaalada Beledweyne in ay bixiyaan lacago baad ah oo ay doonayaan in ay ku huriyaan dagaallada fidnada ah oo ay ku wadaan gudaha dalkeenna.

Maleeshiyaadka ayaa ganacsatada magaaladaasi ku wargeliyay in ay isa soo diiwaan geliyaan, isla markaana ay si qasab ah ku bixiyaan lacago baad ah oo ay u deeygsadaan dagaallada fidnada ah oo ay ka wadaan dalkeenna.

Amarkan ay Khawaarijtu duldhigtay ganacsatada magaaladaasi ayaa si isku mid ah u saameeynaya ganacsatada yar yar iyo kuwa waaweyn, waxaana arintani walaac xooggan ka muujiyay ganacsatada magaaladaasi oo si qasab ah lacago looga qaadayo.

Magaalada Beledweyn ayaa ka mid ah meelaha ugu daran ee Maleeshiyaadka Shabaab ay ka qeybstaan xadgudubyada ugu daran, waxaana la xasuustaa falalkii naxdinta lahaa oo ay u geysteen dadka reer Beledweyne, kuwaas oo ay ugu danbeeysay wiilkii shalay ay ka jareen lug iyo gacan is dhaaf ah.

Readers Comments (6)

axmed says:

June 30, 2011 at 5:45 pm

shabab ganacsato lacag ey kaqaanba iska dhafee anagoo arday ah an oo lacagaha bisha yaa alle ku bixineyno ayey sedex bil naga qaadayee lacag arday walaa macalin,,,marka dhibkan wan ka bixi doonaa inshaa allaah

Reply »
Afrika says:

July 1, 2011 at 2:02 am

Asc bahda radio jamhuriyada sln kadib uma adkeysan dono waxa ay kudhaqmayan qawarijta kusodushay magalada baladweyne qawarijtani magaladas waxay kadhigen qaburo dadkana waxay uladhaqman sixun aya o kurka kajara gacmaha kajara garaca malin waxa jiri donta adinkuna ad gamban dontin hadanan dhiman waxan jclahay in an gacantey idinka xureyo magalada sharafta badan e baladweyne duli batihine naarta allaha indinku fogeyo

Reply »
baba haji says:

July 1, 2011 at 2:17 am

sax waye shabaak waxan leyahay waliba lacag badan ka qada dadkan ganacsatada ah…sababto ah dadkan ganacsiga leh iyakaa alshabaab so dhaweystay marki hore

Reply »
Maryan says:

July 1, 2011 at 1:09 pm

Alahayow u gar gaar umada soo maaliyeed waxaan u dabal dagayna 51 guuradii xurnimadeena hadanew waxa gumaysi ugu jirnaa maleshiaydka alshaab

Reply »
wadani madino says:

July 1, 2011 at 1:27 pm

dadka reer beled weynoow haday cmar xaashi oo halyeey ah dileen iyo qaar kaloo kasii daran ooay dileen odaygi lagu dhaartay eedacar xirsi xooshoow oo weli dhagax laydinku dilaayo gacmaha laidinka jaraayo madaxa laidinka goynaayo gabdhaha lakufsanaayo hadana ladilaayo ood weliba aad sii raacsan tihiin marka diinta laydin baro mataasaa ooweliba laidinku dhaqo
ilaahay ka cabsada reer beled weynoow niman kaas kasoo hara diin waa kaan ku dhalanee diinkeenu waa nasteexo

Reply »
Moxamed islii says:

July 1, 2011 at 10:14 pm

Waxaan ka xumahay dhibata reer hiiraan ay ku hayan maleshiyaadka al shabab shacabkii waxay kadhigeen miday qalaan miday xubnahooda jaraan miday karbashan miday baad kaqaadan waan ka xuroobo doona gumaysiga alshabab

Reply »