Mahiga:Shirka Muqdisho Waa Fursad Lagu Xallin Karo Khilaafka Siyaasadeed

Published on May 31, 2011 by admin · 8 Comments · 1,829 views

Wakiilka xoghayaha guud ee Qaramada Midoobay u qaabilsan Soomaaliya Augustine Mahiga ayaa sheegay in shirka bisha June magaalada Muqdisho ka dhici doona uu yahay fursad ay madaxda dowladda ku xalliyaan kala aragti duwanaanshaha ku saabsan xilliga doorashada iyo waqtiga uu dhamaanayo KMG ka.

Mahiga oo shir jaraa’id ku qabtay magaalada Nairobi ayaa sheegay in la xuli doono guddiyada ka qeyb galaya shirka, dhowaanna uu u ambababixi doono magaalada Muqdisho si uu goob joog uga ahaado shirka gacanna uu xafiiskiisu ka siin doono dowladda Soomaaliya sidii uu u dhici lahaa shirka June.

Sidoo kale wakiilku waxa uu dib u milicsaday shirkii wada tashiga ahaa ee April ka dhacay Nairobi oo aysan ka soo qeyb galin hay’adaha fulinta dowladda, sababtan uu ku sheegay in uu ka dhacayay Nairobi, balse iminka lagu wada hadli doono caasimadda Soomaaliya, taasna ay tahay fursad lagu wada hadlo laguna heshiiyo.

Dhanka kale wakiilku waxa uu ka hadlay muhiimaddiisa rasmiga ah ee shirka waxa uuna yiri “muhiimadeyda ay golaha ammaanku ii xil saareen ee shirka waa in aan hubiyaa in uu shirku yahay mid loo wada dhan yahay”, waxa uuna intaasi ku daray in la magacaabi doono gudi qabanqaabo, isla markaana ay goob joog ka noqon doonaan wakiillo ka socdo urur goboleedyada.

Shirka bisha June ka dhici doona magaalada Muqdisho ayaa waxaa la aaminsan yahay in uu yahay fursad lagu xalin karo khilaafka siyaasadeed ee dalka ka jira, maadama aysan jirin fara gelin saameyn leh oo ay ku sameyn doonaan dowladaha shisheeye, kubbaduna ay Soomaalida dhex taallo.

Alinur Salad

Nairobi, Kenya

Readers Comments (8)

Jama says:

May 31, 2011 at 10:31 pm

Wax shaki ah kama qabo in aan hshiin doono hadii faragelinta nagladaayo. Allah hanaga qabto wixii shar ah inaguna waa inaan xag-xagshada joojinaa oo aan baranaa codowgeena iyo saaxiibkeena. Waxay ila tahay in waayo aragnimo inoo dhimanayn. Danta guud haloo istaago, tan gaarka ahna haloo gembiyo. Allah wax khayr leh hanooga soo bixiyo shirka iyo doorashadaba hadii lagu heshiiyo in la qabto bisha 8-aad.

Reply »
Hussein says:

May 31, 2011 at 10:33 pm

Shirka Muqdisho waa inuu noqdaa mid Soomaali ay maamusho oo aan lagu faragalin isla markaana ay QM qarashka bixiyaan laakiin aysan wax nufuud ah ku yeelan isla markaana anigu waxaan qabaa in la xadido dadka ka qayb galaya ayna u badnaadaan aqoonyahaniinta, odayaal dhaqameedka iyo culimada isla markaana aysan wax faragalin ah ku yeelan siyaasiyiintu, intaasi waxay soo saaraana ay ku qancaan.

Reply »
Dowlad Jecel says:

May 31, 2011 at 11:56 pm

Inta nin ajanabi ah uu nagu dhexjiro, way adagtahay in aan is afgarano ama aan heshiino ee allaha naga dhigo kuwo ka kaaftooma oo iyagu is afgarta…..aamiin

Reply »
hamza says:

June 1, 2011 at 1:29 am

Waxaan qaba in ergada lagu xulo qaabkii
somalida u wada hadli jirtay,sida dhaqanku ahaa,si loo xakameeyo dadka isgarab yaacaya oo ninba meel ka hadlaya.

Reply »
rashka says:

June 1, 2011 at 9:04 am

asc dibhaloo noqdo 21 sano waxaa bueburay odayaal dhaqameed laga amar qaato shirkana waxoo kaduwan yahay shirarkii kale oday dhaqameed aya lagu casumay marka insha allaah wuxu noqonaa mira dhal uu daba dhilif iyoi cadawba ku quusto guul shirka casimadena lagu qanayo asc

Reply »
Somali says:

June 1, 2011 at 9:48 am

MIHIGA IYO WAX UU WADO ILAAH SOMALI HAKA QABTO QALAD AYUU LA JIRAA EE EEBOOW NA MOOTI

Reply »
Suhayb says:

June 1, 2011 at 11:32 am

Asc, anigu shakibaan ka qabaa hadalka Ergeyga, sababtoo ah Shirka hadaysan somali maamulaynin siday go’aankiisa somali kuyeelankartaa? Tankale maxaa loo faragelinayaa Xukuumada ayaa shirkan kubaaqday marhore, eegana waxaad moodaa in larabo in ladhalangadiyo shirka.
FG: soomaaliyeey marabtaan inuu shirku Najaxo? “haah” haloo daayo maamulka shirka Xukuumada halagu casuumo 150 ergo oo kala ah (a) 50 professor, (b) 50 culimo diimeed ah (C) 50 Oday dhaqameed ah. Hadaynu xal rabno halkaasuu kujiraa. Hadiikale QM iyo Mahiiga midna danteena mahayo,

Reply »
axmed wali says:

June 1, 2011 at 12:23 pm

insha allah gul ayan rajeneyna

Reply »