Qeybtan waxaa laga soo qaaday Ardayda ku sugan magaalada Kastamonu oo 350 KM u jirta Caasimadda Ankara waxaana lasoo qaaday xili ay goobtaasi booqdeen mas’uuliyiin ka tirsan Safaaradda Soomaaliya ee Turkiga ay u kuurgalayeen xaaladda ay Ardaydaasi ku sugan yihiin ayagoo kormeeray dhammaanba goobaha ay ku cibaadeystaan,wax ku bartaan,meelaha ay ku cunteeyaan iyo guud ahaanba noloshooda oo ay sidoo kale ka wareysteen Macalimiintooda.

Qeybo kale oo Sawirro ah oo ka turjumaya Nolosha iyo Waxbarashada Mustaqbalkeenna berri si aan uwada ogaano xaaladooda naga fillo Insha Allah.

Photo By:-Cadaawe

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Barnaamijka oo lagu wareystay mas’uuliyiin kala duwan oo qaarkood ay Baydhaba joogaan waxaa soo saaray halkanna kasoo jeedinaya wariye C/casiis Maxamuud Guuleed(Afrika).

Riix Halkaan Si Aad U Dhageysato Qeybta Koobaad Ee Bandhiga Wareysiyada 22-February-2012

Riix Halkaan Si Aad U Dhageysato Qeybta Labaad Ee Bandhiga Wareysiyada 22-February-2012

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Mudane Fiqi Wasiirkii hore ee Gaashaandhigga Soomaaliya oo Wareysi siiyey Radio Muqdisho Codka Jamhuuriyadda Soomaaliya isaga oo ku sugan dalka Mareeykanka ayaa ugu hambalyeeyey Ciidammada wadajirka u howlgalaya guusha ay ka gaareen howlgalkii maanta lagu xoreeyey magaalada Baydhabo.

“In Baydhabo laga xoreeyoo kooxihii Khawaarijta ee sanado dadka ku nool magaaladaasi dhibaateynayey aad ayaan usoo dhaweynayaa waana ku faraxsanahay shacabka magaalada ku noolna farxada xoriyadeed ee ay heystaan waan la qeybsanayaa”ayuu yiri Wasiirkii hore ee Gaashaandhigga Soomaaliya.

Halkaan Ka Dhageyso Wareysiga Wasiirkii Hore Ee Gaashaandhigga Mudane Fiqi

Mar sidoo kale aynu wax ka weydiiney sida uu u arko qaabka uu u dhacay howlgalkii maanta ee Baydhabo lagula wareegay iyo guud ahaanba sida ay howlgallada u socdaan ayuu tilmaamay in uu rajo ka qabo hadii howlgalku sidan kusii socdo oo aan kooxahan fursad lasiin guul laga gaarayo.

Mudane C/xakiin Xaaji Maxamuud Fiqi Wasiirkii hore ee Gaashaandhigga Soomaaliya ayaa baaq u diray shacabka ku nool gobollada hada la xoreeyey waxaana uu ugu baaqay iney Ciidammada kala shaqeeyaan sidii Ammaankooda loo sugi lahaa oo ay u farmuuqaan hadii dhalinyaradii kooxdaasi ka tirsaneyd ay isku dayaan iney shacabka ku dhex dhuuntaan.

Dhanka kale waxa uu Wasiirkii hore ee Gaashaandhigga baaq u diray Ciidammada howlgalka wada oo uu ugu baaqay iney shacabka ay xoreyntooda u dhimanayaan il gaar ah ku eegaan inta howlgallada lagu guda jiro.

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Mudane C/weli Maxamed Cali Gaas Ra’isulwasaaraha Dalka oo isagoo ku sugan magaalada London ee dalka Britain wareysi siiyey Radio Muqdisho Codka Jamhuuriyadda Soomaaliya ayaa ugu horeyn hambalyo u diray Ciidammada Wadajirka uga howlgalaya gobollada Baay iyo Bakool oo iyagu maanta ku guuleystay inay magaalada Baydhabo la wareegaan.

“Baydhabo waa magaalo istiraatiiji ah la wareegideeda ama in codawga laga xoreeyo waxay u tahay Shacabka iyo dowladdaba fursad weyn Alle ayaana ku mahadsan howlgalkaasi guusha laga gaarayna wuu sii socon doonaa” Ayuu yiri Ra’isulwasaare C/weli Maxamed Cali Gaas.

Riix Halkaan Si Aad U Dhageysato Wareysiga Ra’isulwasaaraha

Ra’isulwasaaraha ayaa dhanka kale tilmaamay in howlgalkan uusii socon doono islamarkaana uusan hakan doonin ilaa inta guud ahaanba dalka uu noqonayo goob ka caagan argigixisada caalamiga ah waxaana uu xusay in guud ahaanba gobollada koonfureed si wadajir ah uga socon doono howlgalka.

Mudane C/weli Maxamed Cali Ra’isulwasaaraha dalka ayaa ugu dambeyn baaq u diray carruurta Soomaaliyeed ee ay qaldeen Ajaaniibta dalkeena kusoo duushay ee Al-Qaeda ka tirsan waxaana uu ugu baaqay iney ka qeyb qaataan horumarka iyo dib u dhiska dalka.

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Ciidammada wadajirka ah ee maanta la wareegay gacan ku heynta magaalada ayaa durbaba wada howlgallo lagu xaqiijinayo Ammaanka magaalada si aanay u dhicin dhibaatooyin ay maleegaan Maleeshiyada Al-Qaeda waxaana howlgalku yahay mid guud ahaanba gudaha iyo daafaha magaalada laga sameeyey.

Xildhibaan Maxamed Ibraahim Xaabsade oo ka mid ah mas’uuliyiinta hogaamineysa howlgalkan oo wareysi siiyey Radio Muqdisho Codka Jamhuuriyadda Soomaaliya isaga oo ku sugan magaalada Baydhabo ayaa tilmaamay inuu aad ugu farax sanyahay Seddex Sano kadib in uu gurigiisii kusoo laabto islamarkaana dadkiisa uu xoriyad kula joogo.

“Alle mahadii magaalada gacanta cadawga way ka baxday hada Ciidammada iskaashanaya ayaa ku sugan wax dhib ah kama jiro howlgalku wuusii soconayaa ilaa inta nin ka tirsan Al-Qaeda laga waayo dalka guud ahaantii firxadkoodiina waalagu daba jiraa”Ayuu yiri Xildhibaan Maxamed Ibraahim Xaabsade.

Riix Halkaan Si Aad U Dhageysato Wareysiga Xildhibaan Xaabsade Oo Baydhabo Ku Sugan

Ciidammada Qalabka Sida ee Soomaaliya iyo kuwa Ethiopia ee taageeraya ayaa durbaba bilaabay iney sii baacsadaan firxadka Maleeshiyada kooxda Al-Shabaab waxaana Ciidammadu ay ku baxeen wadada ka baxda Baydhabo ee aada Diinsoor ayadoo sidoo kalena ay jiraan Ciidammo kale oo iyana wadajir usoo qabtay wadada soo aada Wanlaweyn.

Dhanka gobolka Bakool Ciidammadu waxay ku dhaqaaqeen dhanka degmada Waajid waxaana Maleeshiyada Al-Qaeda durbaba ka baxeen cabsi aawgeed meelihii ay horey u joogeen waxaana dad ku nool magaalooyinka Xudur,Rabdhuure iyo Waajib ay inoo sheegeen ineysan hada jirin Maleeshiyaad ka tirsan Al-Qaeda oo magaalooyinkaasi ku sugan.

Sidoo kale marka laga soo tago gobollada Baay iyo Bakool oo hada howlgalku xowli uga socdo waxaa iyana dhaq dhaqaaq uu ka bilowday gobollada Jubooyinka iyo Gedo taasi oo keentay in durbaba wel wel uusoo foodsaaro Maleeshiyaadka ku sugan magaalooyinka gobolladaasi ka fog kuwaasi oo iyana bilaabay iney kala dhuuntaan.

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

R/wasaare prof Cabdi weli Maxamed Cali Gaas oo gunaanadkii kulamadiisa la qaatay kulan saacado qaatay madaxweynaha EU Commission Mr Barroso, ayaa waxa ay kulankooda ka dib la hadleen saxaafada, waxa ayna sheegeen ina y ka wada hadleen arimo dhowr ah  gaar ahaa sii amba qaadidada gargaarada bani’aadanimo ee Soomaaliya, taageerada  dadaalada nabadeed gaar ahaan gacan siinta dagaalka lagula jiro Kooxda alshabaab, taageerida  shirka London, iyo in  Midowga yurub uu gacan mug leh ka geysan doono  hirgalinta howlaha baaxada leh ee Dowladda horyaalo ee ku saabsan Roadmapka.

Prof. C/weli Maxamed Cali Gaas iyo wafdiiga ayaa  ugu dambeyn ka amba baxay  dalka Biljam, iyaga oo gaaray caasimada dalka UK ee London, si ay uga qeybgalaan  kulanka la filayo 23ka bishan ka dhacayo , kaas oo la xiriira arimaha Soomaaliya.

Abdirahman Hudeyfi

Brussels  Belgium

Email: xudeyfi4@hotmail.com

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Faah faahinnada ka soo baxaya qaabkii ay maanta ciidammada dowladda Soomaaliya oo garab ka helay ciidammada Itoobiya ay ulla wareegeen magaalada Bayedhabo ayaa  sheegaya in ay ka dambeysay kadib markii ciidammada dowladda ay saacado gudahooda kula wareegeen deegaanno muhiim u ahaa Al-Qaacidda sida deegannada Bohol Bashiir, Yurkud iyo degmada Bardaale.

Ciidammada dowladda ayaa horey uga soo dhaqdhaaqay degmada Luuq ee gobolka Gedo, isla markaana waxa ay si deg deg ah ku soo gareen deegaannada gobolka Baay, taasi ayaana loo sababeenayaa qabsashada magaalada Baydhabo, iyadoo ay ciidammada diyaar u yihiin bur burinta malleeshiyaadka Al-Qaacidda.

Wararka aynu ka heleyno gudaha magaalada Baydhabo ayaa sheegaya in xaaladda magaalada ay degan tahay, hasa yeeshee waxaa aad u adag in gudaha magaalada ay dadku si caadi ah u joogaan maadaama ay jirto saansaan collaadeed.

Ciidammada dowladda ayaa  fariisimo ka sameystay dhowr jiho oo magaalada ah, waxaa saldhigyada ciidammada ku wehliya ciidammada dowladda Itoobiya oo howlgalka qeyb ka ah.

Dhinaca kale saraakiisha ciidammada dowladda ee howgalka hoggaamineysa ayaa Radio Muqdisho u xaqiijiyay in aysan joogsan doonin inta ay Al-Qaacidda ishooda qabaneyso saacad walbana ay diyaar u yihiin fulinta howlgalka  qeybta ka hartay.

Malleeshiyaadkii Al-Shabaab ee Al-Qaacidda ee maanta isaga huleeshay xarunta gobolka Baay ayaa qaarkood waxa ay u soo dhaqaaqeen deegaanno ka tirsan gobolka Shabeellada Hoose, iyadoo uu howlgalka haatan ku soo wajah yahay gobollada Bakool iyo Shabeellada Dhexe.

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

Ciidamada XDS ayaa 3:30 pm soo galay Baydhabo isla markaana si buuxda ula wareegay gacan ku heynta magaaladaasi hase yeeshee ma jirin wax iska hor’amaad ah oo halkaasi ka dhacay oo malleeshiyaadkii iyo horjoogayaashoodiiba goor sii horreeysay oo maanta ah ayeey ka carareen magaaladaasi.

Ciidamadu waxa ay si xarago leh difaacyo uga sameeysteen duleedyada magaaladaasi iyagoo dhinaca kalena si taxadar leh u sugaya amaanka magaaladaasi.

Magaaladaasi ayaa muddo sanado ah waxaa gacanta ku hayay kooxda shabaab waxeyna maanta dadka reer baydhabo uga dhigantahay maalinta xorriyadda mar haddii malleeshiyaadkii dhiigmiiratada ah ciidamadu maanta ka dulqaadeen.

Wixii ku soo kordha halkan kala soco.

Haddii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

WAR DUHUR 22 02 12