Thursday, August 28th, 2014

DHAWAAQII RASAASTA DHAWAAQ BAA BEDELAY! Qormo xiise gaar ah leh oo Muqdisho ku saabsan!

Published on November 30, 2012 by   ·   30 Comments  ·   15,573 views

 

Qalinka: Abukar Albadri =

Muqdisho (Xeebta Jazeera)- Dadka qaar riyo maalmeed ayey la tahay in aysan madaafiic ka dhaceyn Muqdisho, rasaas wiifeysa ay san dad jidadka ku dileyn misena iska-hor-imaadyo beeleed aan warbaahinta laga sii deyneyn.

In dagaal oogayaal aysan xaafado u xirneyn, kaabbo mooryaano awood badan lehna aysan jirin, jidadkuna ay taagan yihiin Booliis iyo taraafiko ma ahan mucjiso, balse dadka qaar waxay u tahay arrin ugub ku ah taariikhda Muqdisho.
Idaacadaha qaar barnaamijyada doodahooda waxay ku soo qaataan barnaamijyo ay ka mid yihiin “Side loo hagaajin karaa xaaladda suuqyada Muqdisho? Maxaa hor taagan in uu sharcigu shaqeeyo? Iyadoo idaacadda Barkulan ay ku dhiiratay in ay barnaamij dhan ku soo qaadato foorida iyo sida ay Soomaalida u adeegsato taas oo ay bud dhig uga dhigayeen foori cajiib ah oo laga duubay nin xoolihii dhaafeen oo yara qafiifay, kaddibna foori ku ciil baxay.
La laab bogii guduudnaa ee wararka dagaalka, xasarad iyo welwelka leh uun lagu qori jiray, waxaana lagu bedelay bog cad oo rajo xambaarsan walow uu wato su’aalo weli jawaab u baahan.

Marka aad dhex mareyso xaafadaha Muqdisho daryanka iyo shanqarta is wada qabsanaysa mar qura eecka yeereysa guryaha dib loo dhisayo kama tiro yara shanqartii magaalada ka dhaceysay xilligii ay caasimada ay dhan walba kaga hoobanayeen Madaafiicda aan loo meel dayin.
Hase yeeshee bulshadu si dareen la’aan ah ayey ku joogtaa xaafadaheeda mana jirto dhiilo colaadeed iyo welwel midna. Bal aan dhahno waa horumar laga gaaray dhanka nabada caasimadda.

Si ay taasi kuugu cadaato, aan ku siiyo tusaalooyin. Dhawr bilood ka hor, marka aad cagta saarto wadada dabka waxay indhahaagu qaban jireen guryo burbursan oo aan laga heleyn mid aan laheyn raadadka dagaalada ee isugu jiray madaafiicda iyo rasaasta raadadkeeda oo ahaa kuwo u ek in goobtaas muddo qarniyo ah lagu dab rid baranayey.
Kala duwan shalay iyo maantee! Meeshii sidaas ahayd waxaa haatan lagu diimayaa guri dunsan ama derbi kaliya ee laga arki karo raadadkii madoobaa ee dagaalada sokeeye.

Marnaba ha iga beensan haddii aan ku iraahdo in ka badan 6 hoteel oo cusub oo shaqeyneysa ayaa maanta ka dhisan inta u dhexeysa baarkii shaqaalaha illaa isgoyska dabka oo ah masaafo aan ka badneyn 1-2km oo kaliya, dhammaan hoteeladaasna waxaa la dhisay muddo 12 bilood gudahood ah.

Hoteel Kuwait oo uu dhisme ku socdo

In kastoo hoteelka wadadaasi ugu caansan uu ahaa Hotelkii Maka Al Mukarama ee uu lahaa Cali Mahdi Maxamed, haatan waxaa ku soo biiray hoteelada kala ah Hotel Barwaaqo, Hotel Kuweyt, Tourist Hotel, Hotel Nahru Niil, Hotel Xaaji Raage iyo Hotel Maka Al Mukarama oo isna dhisme iyo dayactir yaab lihi ku socdo, dhawaanna la filayo in uu hawl galo.
Waxaa intaas wehliya, carwooyin waaweyn oo laga dukaameysto, maqaayado raashiin macaan, dukaamo lagu iibiyo qalabka kooraanka ku shaqeeya (Electric) iyo farmashiyeyaal. Doobi (Dry cleaner) casri ah oo indhaha saxaafadda caalamka soo jiidatay ayaa laga furay isla wadadaasi.
Jidkan tusaale uun baan u soo qaataye, meel ka mid ah Muqdisho oo aan ganacsigu ku baahin ma jirto, marka laga reebo goobo daafaha ah oo weli baqdini ay ka jirto. Xaafadiihii ay deganaayeen hormuudka Bulshada ee dhanka dhaqan-dhaqaale, sida Xamarweyne, Shangaani iyo Xamar Jajab ayaa iyagiina naftu ku soo noqtay oo laga sameeyey goobo ganacsi oo noocyo kala duwan leh, misena adeegyo loo aayey u qabta bulshada.
Jidadka sidaas ganacsiga ugu camirmayo waxaa buux dhaafiyey gaadiidka yaryar ee lagu raaxeysto, ha yeeshee ma shaqeeyo sharciga waddooyinka, mana laha Samaafarooyinka (Traffic lights) ama astaamihii hagayey wadayaasha gaadiidka isaga gooshaya gudaha caasimadda iyo gobalada ku heeran.
Badashada gawaarida waxaa dhiirigeliyey iyadoo ay yeraatay kala dhicii gawaarida, taas oo bulshada aan hubeysneyn ee Soomaaliyeed ka hor istaagi jiray inay iibsadaan gaadiid mid shaqo iyo mid raaxo intaba.
Wax yaabaha uu is bedelku ku yimid waxaa ka mid ah magac ay Muqdisho caan ku aheyd oo ahaa “Magaalada ugu halis-san dunida” kaas oo uu bedelay sifaha cusub ee Muqdisho haatan lagu qeexo oo ah “Magaalo ka soo kabanaysan dagaaladii sokeeye” isla markaasna uu ka socdo ganacsi bulaalaya. Magacaas ma aheyn mid Muqdisho la iska siiyey ee way aheyd meel halis ah.
Sanadkii 2011-da kaliya, xusuusaha aan iloobi doonin ee igu soo maray Muqdisho waxaa ka mid ah in rasaas soo hoobaneysay ay jebisay koobkii uu shaaha ku cabayey mid ka mid asxaabteyda xilli galab ah, in xabad guriga noogu soo gashay, ku dhacday saqafka guriga, kaddibna dib ugu soo dhacday miis aan wax ku cuneynay anaga oo 12 qofood ah, raashiinkii oo dhamina ciid noqday.
Qolkii aan jiifay oo aan salad subax in aan dukado aan uga soo baxay ayaan u soo laabtay isaga oo dhinac dhan ka dunsan oo uu gantaal habow ah haleelay, laakiin dagaal ayaa ka socday goob aan aad uga fogeyn meesha aan deganeyn.
Xilligaas markii uu qofku doonayo in uu baxo guriga uu ku nool yahay, ama hoteelka uu degan yahay waxaa caado aheyd in aan irridda la furi illaa la hubiyo dadka banaanka jooga iyo waxa ay yihiin. Haddii qof aan la garaneyn uu ku jiro dadka banaanka jooga ma sahlanayn in la baxo. Weliba haddii bac, daasad ama kartoon aan meesha horey u oolin lagu arko taxadar gaar ah ayaa loo yeelanayey si loo hubiyo in ay ku jiraan wax qarxi kara oo la soo diyaariyey.
Dilalka qorsheysani waxay ka mid ahaayeen nolol maalmeedka waxayna ka dhacayeen goob walba oo magaalada ka mid ah. Madaxtooyada oo aheyd meesha loogu waardiyeynta badan yahay ayey irriddeeda ka dhacayeen dilal qorsheysan.
Hade la soco! Marna kuuma aan xusin asxaabteydii saxaafadda ee xaq darrada lagu laayey. Kama aan hadlin ardaydii lagu xasuuqay hargaha iyo saamaha, haweenkii iyagoo jidad qashin ka xaaqaya la laayey iyo marasta jidadka lagu gawracayey ee inta teleefoonada lagu duubo la isugu dirdirayey midna.


Daliilaha loo cuskan karo in uun isbedel ku yimid waxyaabo badan, xaaladda Muqdishana ay horseed u tahay arrimahaas waxaa ka mid ah sawir gacmeedkii Amin Arts ee inta badan ku saabsan arrimaha dagaalada waxaa bedelay TAXANAHA cusub ee ISMA LAHEYN ee uu dhawaan soosaaray rugcadaa Amiin Caamir Maxamed oo bulshadu ay ku xasuusan doonto kaalintiisii hagar la’aaneed ee iftiiminta, toosinta iyo sixiddaba isugu jirta.
Aan kaftankana jalleecee! Mar baan is iri qormooyinkii Abukar Albadri iyo Faallooyinkii Cabdulqadir Dulyar waxaa bedelay Facebook, falanqeyntii BBC waxaa bedelay Paltalk dhawaqii Rasaastee ay Muqdisho caanka ku noqtayna waxaa bedelay shanqarta dubaha lala dhacay masaamiirta iyo Laamayeeriga, kuwaas oo magaalada oo dhan ka socda.
Waxaa xusuus gaar ah mudan in hab maamuuskii ay madaxda Itoobiya kula dhaqmi jireen madaxda Soomaalida uu is bedel ku yimid, taas oo laga dheehan karay sida loo soo dhoweeyey Madaxweyne Xasan Sheekh Maxamuud iyo sida Sharafta iyo Karaamada huwan ee uu Calanka Soomaaliyeed ugu salaamay Magaalada Addis Ababa xilli uu salaam sharaf ka qaadanayey ciidan lagu diyaariyey garoonka diyaaradaha.
Madaxweyne Xasan Sheekh Maxamuud isaga oo dul socday roogga guduudan ee loo dhigay ayuu marka uu la soo sinmay calanka Soomaaliya mar qura intuu si halaasi ah isu weeciyey, calanka abbaaray, si qushuuc badan leh u hor qotomay, salaan qaran siiyey calanka Soomaaliyeed oo uu kor u haayey mid ka mid ah askarta itoobiyaanka ah ee salaam sharafta bixinayay.

Bal adigana wixii iska kaa bedelay iyo fikirkaaga ku soo hagaaji qalin1@gmail.com

FG. Bogga Radio Muqdisho, wuxuu daabici doonaa dhammaan qormooyinka wax dhisaya ee ay soo diraan qoreyaasha Soomaaliyeed.

 

Readers Comments (30)

  1. mumin says:

    wlhi waxan lehay masha alaah guul ayaa usoo hoyatay dhaman umada somaliyed mel kasto oo ay jogan waxan lehay ilaah wadanka inta dhiman hano dhamestiro waxan rajeynayaa inan dhawan kasoo laban dono Europa iyo barafkeeda balayada insha alah somalia guul guul guul$

  2. kaafiso says:

    Maashaa allah waalaga baxay waa aay habluhu oran jireen muqdisho mugdi weeye waa in maalin laga dhigaa

  3. Cabdirisaq cali says:

    Masha,allaah waxaan aan arkaayo ma runba misa waa riyo runti indhaheyka ilmo aya ka soo taatay markan aqriyay maqalka ana arkay magalada muqdisho o sidan u iftiimeyso iyo dadki necma somalita iyo calangeta oo si saraf leh ku so dhaweyay madaxweynehena somaliyed wa itobiya wlh waa guul uso hoyotay umatena soomaliyed waxan ku so gaba gabeynay hadalgeyka somaleyey an iscafino o ilaahey aan umahad celino si u inooku saa.idiyo nimcoyinkisa allaahu akbar somalia ha israacdo

  4. waxaan marka hore mahadnaqa balaaran u jeedinayaa bahda warbaahinta radio mogadish oo aan isleeyahay waxa basoomay kuwa qabta waa iyaga keliya waxaan leyahay dadka dhan sida radiyo muqdisho alaha kadhigo, mida labaad waxaan u baqayaa dadka soomaliyeed ee qorbaha ku jabay ama kudhumay iftiinka xamar iyo dhawaqa buriska soo raca iyo hilaaca musawaca xamar oo aan isleeyahay waa soo muuqdaa dhegaha ha u raaricinina kuwa dhiigina kaganacsaday ee xaran quta yaasha ah oo nabada soomaliya dhibatada ku tahay, waxaan marlabaad u mahad celinayaa dhamaan shaqalaha radio mogadish oo ah nooleyaha qalbiga dadka soomaliyeed,nabad gala ilaah idankiis

  5. Masha allah wax lagu farxo way tahay manta o muqdisho nabad ah ani 2008 ayan kasoqaxay xafada war dhigley waxana uqaxay wadanka kenya gar ahan nairnbi hada waxan jeclahay in an kuso laabto wadankayga hoyo oo an kasotago wadanka kenya dhibka u nugu hayo umada so maliyed

  6. liban says:

    maşallah waa wax lagu farxo waxay ila tahay cidna inaysan sharaf yelan illa dadkeeda iyo dalkeeda oo sharaf iyo karaamo leh maahane waxana usaale kugu firan isbedelku marku kadhacay somalia september 2012 in isbedel ku yimid soo dhaweynta madaxda qaranka hala hagaajiyo gudaha dibadu iyada iska hagaagi doonte

  7. salaxey says:

    Maasha.allaaah xamar cadey ahaa asxaabta radio muqdisho dhamaantiin sida aad u dhantihiinba waan idin salaamay asc marka xigta waxaan ku faraxsanahay isbedelka ka muuqda wadankeena hooyo waxaan baaq lixaad leh u dirayaa masuuliyiinta dawlada iney sii laba jibaar maan dadaalkooda misna waxaan balan qaadayaa bilaha soo socda inaan kasoo tagi doono south africa oo hadeynu nahay dhalinyarada soomaaliyeed ee kasoo qaxay dagaaladii misna ay meeshaan ku heesan wax nabad qoryihii muqdisho yaalay oo kale ayaa un yaala marka aad ayaan ugu faraxsanahay hormarka muqdisho asxbta bahda warbaahinta waxaan idin leeyahay dadaala hana kadaalina dadaalkiina

  8. jakatore says:

    mashalah waa wax lagu farxo runtii ilaah ayaa mahad iska leh inta dhimane ilaah ayaan ka baryeynaa inuu noo dhameystiro inshalah aloow wadanka nabad barwaaqo horumar nooga dhig inshalah amin amin amin

  9. HIISH says:

    wan ka mahad celinaya qormadan iyo bahda radio muqdisho wad mahadsantihiin

  10. abdi says:

    Alxamdulilaah, waxaan kumahadsan Alaah SW, marka xigtana masuuliyiintii isu taagtay wax qabadka casimada, waxaana leeyahay hada waxa laqabtay 5% lakin wa bilow kii ugu fiicnaa ee nasoo mara GEn, max, siyaad barre kadib?? ilaahow noo siyaadi nabada iyo wnaaga soconaya?

  11. abdi says:

    TALO MUHIIM AH,, qofkastow marki aad aqrisid ama aragtid wanaaga noosoo kordhaya umahada naq ALAAH si uu noogu siyaadiyo,, watuu RAbi yiri , Hadii aad igu shukrisaan waa idin siyaadinayaa, hadii aaad igu kufrisaana cadaabkeygu wa daranyahay?

  12. Maasha allah Peace and life is the best of the world that i can cy we needs some more and more and more people with love and life peace is the important one and me i’m on my way soon i’m not far i’m here in south africa and i heat it realy coz i want my mather home see u soon my somalia

  13. maani says:

    ogaada meel walbo aad joogtaan sumada ma suusho kulu yarjici ilaa aslihi cimilada somaliya waa tan caalamka ugu wanaagsan ogoow dhulaaga inuu yahay dhul hodan uun u baahan in nawad u heli badda bariga batrolka macdanta yuraniyumka gaaska ugu fiican kujiro xoolaha ku badan dddhulka waa dhul daaq iyo beero aan tawar u heli karin somaliya oo dhan ka badan yahay buuraha marka waa meesha dahabka laga heli karo waxaan idin sheega SIR QARSOON IN QAARADA AFRICA DHAMAAN AAY USOO SHAQO DOONAN DONAAN SOMALIYA MAALIN WALBO BOQOLAAL QOF SHARCIDARO KUSOO GALI DONAAN TAHRIIB DAWLADANA AAY DHOOFIN DOONTO visaha somaliya lagusoo galo u noqon doono mid aad u dhibadan waa mustaqbalka wuxuu noqon doona africa meesha ugu qurxoon o aay trismiha imaan donaaan maalin walbo kumanaan dad ajaanib ah ogoow muqdisho in lasii balaarin doono mabka la badali doono dad badan guryahoodi la dumin doono dawlada aay siin doonto dhul kale wadooyinka la balaarin doono wa goorme su;aal ? 2030 wixii ka bilaawdo isbadlka qurxoon imaan doono ninkii nool ayaa arki doono haweenka somaliya u shaqeyndonaan naagaha yurubta asiyanka iyo afrikanka wadamada africa inay sanad walbo kaalmo siin doonto dhoor dal africaan ah insha allaah waxaan ahay qof ku aragti dheer sadaashiisu fiican tahay illaah ayaa inaga ogaal badane

  14. maxamad asad says:

    Mansha alaah ilaahow anigoo caafimad qaba igay muqdisho waayo mel an kadooooranaya malahan dadkii kashaqeeyana ilaah qer hasiyo xamar caday xeebteedan usiisay xamar cadaay

  15. axmed kash says:

    masha allah waa farxad ilahow wadankena nabad noka dhig

  16. cabdi casiis maxamed ibrahim says:

    alxmd alle ayaa mahad idilkeetba iskaleh annaga haddii aan somalia nahay waan sugeynay maanta o kale marna ma anan quusan o wagii dagaalada aay jireen waxan dhehe jirnay one day is one day marka walagaray waqtigeeene somalia somalia baaaleh somaliyeey nin walbo salada marka uu tukado 2bo ragco o sunno eh alle dartiis inta u tukado somalia ha ugu duceeyo in uu alle sidan iyo si ka fiican uu ku socotsiiyo

  17. Mohamed jiinte says:

    Wlhi waa ku faraxsanahay inu xamar sidan noqdo waxana leyahay guul manta waxa ahay arday barta duuliye diyaarad waxana jeclahay ina wadanka hormariyo wadankega allahayo ku nabad gali shaqaalaha radio qaranka waxa leyahay guul wcn sida aa u shaqeyneysan boga taariikhda ayaa nii xuseesa

  18. C/qadir muclin maxamud says:

    Wlh wan hingaday laabteydana waa is bedeshay asaxaabta raido muqdisho saad udhantihiin wan idin salaamy wadna kuwahadsantihn isada aad qalabiga nogo nuuriseen maadaama aad nalasocudisaan waqti kasta waxii is bedel ah hana waxan lehay guul guul somalia hanolaato

  19. C/qadir muclin maxamud says:

    Wlh wan hingaday laabteydana waa is bedeshay asaxaabta raido muqdisho saad udhantihiin wan idin salaamy wadna kuwahadsantihn sida aad qalabiga nogo nuuriseen maadaama aad nalasocudisaan waqti kasta waxii is bedel ah hana waxan lehay guul guul somalia hanolaato

  20. alaha noo saa idsho inshallaa ee haleysku duumo iskuduubni baa dalku dhismaahe soomaalia nabad iyo barwaaqo alla loow sii aamiin

  21. ma'aani says:

    dhab ahaantii qoraaga abubakar albadri aad ayuu umahadsanyahay maxaa yeelay farqiga shalay iyo maanta ayoo nagala dareensiiyey waana kaga mahad celinaynaa nabada ay maanta reer muqdishu ku naaloonayso waa mid u baahan mahad calin ilaah xagiisa ah kaso nasiiyey nabadaan waxaana leenahay illaahow adiga ayaa kumahadsan nabada aad nasiisay ,hadaa nahay dhalinta reer muqdishu waxa aan haysanaa maanta ibid nabada nasoo martay mida ugu wanagsan ayaan dhihi karnaa wlhi adna ayaana ugu faraxsanahay nabadaan

  22. jamal007 says:

    Ilaah mahadii hadii dhawaqii rasaata uu dhawaq nabedeed badaly qoraaga faalda waku mhadsan yahay sida uu uga faaloday runti qof walbo somaliya ayaa og in xaalada muqdisho wax badan iska badaleen Ilaah hano siyaadiyo …..

  23. Ali Ceente says:

    Asc waan niisalaamay dhabaan bahda R/muqdisho salaan kadin waxaan nigaga hambalyinaayaa shaqada aad noo heesaan oo marwalbo aad noosiisaan warbixinta oo DHulkeena Soomaali

  24. Siyad says:

    Asc alle ayaa mahad iskaleh waxaana ka baryeynaa inta dhiman inow si dhib laana nooku dhameeyo qurbo wan ku ragnee

  25. axmad shiiq says:

    Maasha,allah waa wax aad iyo aad loogu farxo, sanadka soo socdana waxaan rajeyneynaa 3xow jibaar horumarkan maanta lagu tilaabsadey.

  26. laki man cittizen wadani dhab ah says:

    masha allaah walaahi umada waxbaa iska badalay dalka waxbaa iska badalay aniga wax ba iska kay badalay oo waayo waxaan niyadeyda o aan waligeed soo galin inan somaliya kusoo laabto hadana habeen iyo maalin aan ku riyoodo anigoo somaliya jooga i love somalia and my population RADIO MUQDISHO SUBAXDII HADAAN SOO TOOSO QALBNIGEYGA SAAFI MAAHAN ANOON RADIO MUQDISHO FIIRIN WAXA KU SOO KORDHAY HABEENKIINA MA SEEXDO ANOON FIIRIN RM DALKEYGA IYO DIINTEYDA IYO CALNKEYGA ILAAHOW SHARAFTII IYO KARAAMIDII AY LAHAAYEEN USOO CELI OO NOO DHAMEYSTIR ILAAH WAAN KU SHGRINAYNAA NIMCADAADA AAD NASIISAY EE NOO ZIYAADI AAMIIN AAMIN AAMIN

  27. dhagfer says:

    asc dhammaan shaqaalaha radio muqdiscio
    aniga oo ah saxshi soomaliyyed waxaa fariin u diraayaa dhammaan dad weynaha soomaaliyeed quf kasto oo soomaliyyed waxaa waajib ku ah sida dalkowda iyo dadkowda ee hormar u gaarsiin lahaayeen aduunyada qufwalbo gurigiisa asiga ayaa wax u qabto maahin in ladhaho gurigeeya halay dhiso in kasto asiga ayaa laga downaay in oo wax ka badalo gurigiisa marka soomaaliyay gacmo wad jir ayay wax ku jaraan qufkasto oo soomalyyed waxaa waajib ku ah in oo nidaamsado gurigiisa marka yaa nolol lamoodin caawinta aduunka idin caawinaayo ama ciidha yar oo dadka lashiinaayo ha mowdina nonol ee qufkasto haku dadaalo si oo wax u gu qaban lahaa dalkiisa in badna ayaa lahorday somaaliyaay marka hada hordad aan ka kacno oo aan la jaanqaadno aduunyada

  28. wadani114 says:

    maashaa allaah nabadda aan helnay allaha noosii kordhiyo, muqdisho sideey ahaan jirtay ayey kusoo laaban doontaa tartiib tartiib inshaa allaah…

  29. ahmed says:

    ascw
    mashaa allah ilaahow noosiyaadi ifafalaha socda ee dowladnimo waa wax lagu farxo somaliya oo dowlad aan kmg aheyn leh waxaana cad sida aduunku madaxdeena usoo dhaweynayaa fadlan aan taagerno nabada iyo horumarka dalka waxaan kutalin lahaa in aan iskutashano doladuna acon hafurto tabarucada lagusooshubo mahadsanidiin

  30. axmed muuse xasan okm socdaal says:

    ac marka hore waxaan kamid ahay dhalinta kunool saudi arabia gaar ahaaan jidah aniga iyo saxiibkey maxamed cali maxamed aqabley waxaan jeclaan lahayn in aan dib ugu soo laabano dalkeena oo ad uqurux badan sidoo kale waxaan taageereynaa nabada dimoqoraadiyada isdhaxgalka dib uga bilawday dalkeena gaar ahaan muqdisho




Please note: Comment moderation is enabled and may delay your comment. There is no need to resubmit your comment.

Toos U Dhageyso Radio Muqdisho

Wararka

DSC00243

Madaxweynaha Soomaaliya oo gaaray Magaalada Ankara ee dalka Turkiga “SAWIRRO”

Madaxweynaha jamhuuriyadda federaalka Soomaaliya mudane Xassan Sheekh iyo ...
Astaanta-Bandhiga-Wareysiyada12-150x150 (1)

Dhageyso barnaamijka Bandhigga Wareysiyada ee Radio Muqdisho

Barnaamijka Bandhigga Wareysiyada waxa uu ka mid yahay ...
astaanta-warka16

Dhageyso Warka Habeennimo Ee Radio Muqdisho

[audio mp3="http://radiomuqdisho.net/wp-content/uploads/2014/08/WAR-HABEEN-27.08.2014-.mp3"][/audio]
goodax

Wafdiga Dowladda Ee Ku Sugan Kismaayo Oo Guul Ka Gaaray Nabadeynta Deegaannada Jubooyinka

Waxaa maanta Deegaanka Goobweyn oo 30 km dhanka ...
vlcsnap-2014-08-21-08h42m44s116

DAAWO VIDEO:- Barnaamij Gaar Ah Oo Ku Saabsan Lurkii 20ka Sano Iyo Ladnaanta 20ka August “Qeybta 3aad”

Akhristayaasheenna Sharafta leh waxaan halkaan idinkugu soo gudbineynaa ...
Sh Cali Wajiiz

Sheikh Cali Wajiiz oo si qoto dheer uga hadlay taariikhda kooxaha xag jira

  Taariikhda Islaamka kuma cusba kooxaha xag jirka ah ...
JAWAARI GUDOOMIYE ANLE AH

Ku Simaha Madaxweynaha Dalka Oo Ka Qeybgalay Munaasabad Ay Ku Qalin Jabinayeen Arday Dhameysay Jaamacadda Soomaaliya

Munaasabadani ay ku qalinjabinayeen in ka badan 574 ...
DSCF7361

Hay’adda UNDP oo maamulka Gobolka ka taageereya dhanka horumarinta Isboortiga

Kulankan ay wada qaateen Mas’uuliyiin ka tirsan Maamulka ...
tababar_5 (1)

Askar cusub oo tababar loogu soo xiray duleedka magaalada Beledweyne

Saraakiil ka tirsan AMISOM ayaa maanta tababar ugu ...
astaanta-warka16

Dhageyso Warka Duhurnimo ee Radio Muqdisho

[audio mp3="http://radiomuqdisho.net/wp-content/uploads/2014/08/WARKA-DUHUR-27.8.2014.mp3"][/audio]
Kulanka Haweenka

Xuska maalinta Xaquuqda Aadanaha Soomaaliya oo lagu qabtay Muqdisho

Munaasabad lagu xusayay maalinta xuquuqda Aadanaha ee Soomaaliya ...
madaxweynaha-safar

Madaxweyne Xasan Sheekh iyo Wafdi uu hogaaminayo oo u amba baxay dalka Turkiga

Madaxweynaha Jamhuuriyadda Federaalka ah ee Soomaaliya Mudane Xasan ...
6

Cayaartooyda degmada Waaberi oo u soo gudbay Final-ka koobka tartanka Degmooyinka “SAWIRRO”

Tartanka kubadda cagta ee Degmooyinka Gobolka Benaadir oo ...
DSCN6941

Arday Soomaaliyeed oo ka qalin jebiyay Jaamacad ku taal Dalka Malaysia “SAWIRRO”

Ayda Soomaaliyeed ayaa  shalay uu qeyb ka noqday ...
Baydhabo-02

Wafdi Ka Socday Dowlada Ingiriiska Oo Baydhabo Kula Kulmay Gudiga Farsamo Ee Maamul U Sameynta Sadexda Gobol

Wafdi ka socda dowladda Ingiriiska oo  gaaray magaaladda ...
astaanta-warka16

Dhageyso Warka Subax Ee Radio Muqdisho

[audio mp3="http://radiomuqdisho.net/wp-content/uploads/2014/08/WAR-SUBAX-27-8-2014.mp3"][/audio]
taliska xds

Ciidanka XDS iyo AMISOM Oo Bilaabaya Howlgal Loogu Magacdaray “Badweynta Hindiya” (Daawo Video)

Talisyada ciidammada xoogga dalka Soomaaliya iyo  nabad ilaalinta ...
Astaanta-Bandhiga-Wareysiyada12-150x150 (1)

Dhageyso barnaamijka Bandhigga Wareysiyada ee Radio Muqdisho

Barnaamijka Bandhigga Wareysiyada waxa uu ka mid yahay ...
qoorsheel

Wefdi uu hoggaaminayo wasiirka Gaadiidka oo Baladweyne booqdey

Wefdi uu hoggaaminayo wasiirka Gaadiidka, Duulista iyo Hawada ...
astaanta-warka

Dhageyso Warka Habeennimo ee Radio Muqdisho

[audio mp3="http://radiomuqdisho.net/wp-content/uploads/2014/08/WARKA-HABEEN-26.8.2014.mp3"][/audio]
DSC00034

Wasiirka Haweenka iyo Philip Lazarani oo ka wada hadlay ilaalinta xuquuqda haweenka “SAWIRRO”

Wasiirka Wasaaradda Haweenka iyo horumarinta xaquuqul insaanka ayaa ...
Banaan-bax

Banaan bax ka dhan ah Al-Shabaab oo ka dhacay Muqdisho

Dibad baxaan oo ay ka qeyb galeen Boqolaal ...
Sawirka Gudoomiye Jawaari

Guddoomiyaha Baarlamaanka Soomaaliya iyo wafdi uu hogaaminayo oo dalka dib ugu soo laabtay

Guddoomiyaha baarlamaanka Federaalka ah ee Soomaaliya Mudane Maxamed ...
DSC_1178

Wasiirka Gaashaandhigga Soomaaliya oo la kulmay dhigiisa Wadanka Turkiga “SAWIRRO”

Wasiirka Gaashaandhigga ee Xukuumadda Federaalka Soomaaliya Mudane Maxamed ...
astaanta_qaranka11 ok

Akhriso Guddiga Farsamo ee Maamul u sameynta Gobollada Mudug iyo Galgaduud oo la magacaabay

War-saxaafadeed ka soo baxay Waasaaradda Arrimaha Gudaha iyo ...
astaanta-warka16

Dhageyso Warka Duhurnimo ee Radio Muqdiso

[audio mp3="http://radiomuqdisho.net/wp-content/uploads/2014/08/WARKA-DUHUR-26.8.2014.mp3"][/audio]
wasiir qoorsheel

Wasiirka gaadiidka oo Beledweyne kula shiray Maamulka Gobolka Hiiraan

Wasiirka Gaadiidka iyo Duulista Hawada ee Xukuumadda Soomaaliya ...
Kismaayo

Wafdiga ka socda Dowladda oo Kismaayo kula shiray Maamulka KMG ah ee Jubba

Wafdigan uu hogaaminayo Wasiirka Arrimaha gudaha iyo Federaalka ...
DSC00015

Wasiirka Wasaaradda Haweenka oo la kulantay madax ka socotay ICRC “SAWIRRO”

Wasiirka Wasaaradda Haweenka iyo horumarinta xaquuqul insaanka ayaa ...
DSC09977

Guddoomiyaha Maxkamadda sare ee ciidamada qalabka sida oo qaabilay wefdi ka socda Qaramada Midoobay “SAWIRRO”

Guddoomiyaha Maxkamadda sare ee Ciidamada qalabka sida ee ...
gaalkacyo

Guddiga Farsamo ee Maamul u Sameynta Gobollada Dhexe oo la Magacaabay

Dowladda Soomaaliya ayaa magacowday guddiga farsamo ee u ...
bakool-map

Xaaladda Degmada Tayeegloow oo Deggan

Degmada Tayeegloow ee gobolka Bakool oo dhawaan ay ...
General-Diini

Taliyihii Hore ee Ciidamada Milatariga oo Soo Dhawaaweyay Howl-Gallada ka Dhanka ah Hubka

Taliyihii hore ee ciidanka Xoogga Dalka Soomaaliyeed Jeneraal ...
astaanta-warka

Dhageyso Warka Subaxnimo

[audio mp3="http://radiomuqdisho.net/wp-content/uploads/2014/08/WAR-SUBAX-26-8-2014.mp3"][/audio]

Tubta Toosan

Sh Cali Wajiiz

Sheikh Cali Wajiiz oo si qoto dheer uga hadlay taariikhda kooxaha xag jira

  Taariikhda Islaamka kuma cusba kooxaha xag jirka ah ...

Islaamka iyo Xagjirnimada Dhageyso

Shareecada Islaamku waa diin dhex dhexaadnimo waxayna ka ...
Dhallinnyaro

Maalinta Caalamiga ah ee dhallinyarada, Waa side xaaladda dhallinyarada Soomaaliyeed?

  Maanta oo ay taariikhdu tahay 12 August waa ...