Saturday, November 1st, 2014

Dhabtu Maxay Tahay?FAALLO+SAWIRRO MUUJINAYA ISBEDELKA CAASIMADDA

Published on December 31, 2011 by   ·   43 Comments  ·   36,923 views

Inkastoo aanan faallo ama qormo qura lagu soo koobi Karin isbedelka guud ee ku yimid Caasimadda Dalkeena ee Muqdisho wixii ka dambeeyey Xornimadii uu dhiigga badani ku daatay ee Lixda August-2011 kolkaasi oo magaalada inteeda badan laga xoreeyey Maleeshiyada Kooxda Khawaarijta ah ee Al-Shabaab hadana qof walba uu qirayaa oo aanan mugdi ka geleyn waxa ay tahay in uu jiro isbedel guud oo dhinacyo badan ah kaasi oo hada ay ku naaloonayaan Shacabka reer Muqdisho.

Muuqaalka ugu horeeya ee aan usoo xushay faaladeyda waa garoonka kubadda Cagta ee Banaadir Stadium(Ex-Coonis Stadium) waxaana Sawirkan aan soo qaaday Lixdii August-2011 waa maalintii goobtaan la xoreeyey ayadoo muuqaalkanna uu muujinayo sida uu garoonka waqtigaas ahaa iyo geedihii ku baxay, waqtigaana Laba Sano ka badan iskadaa in lagu ciyaaree xitaa dadka Shacabka ah inay lug ku agmaraan kuma dhiiran Karin balse halkii kubad lagu ciyaari lahaa Maleeshiyadii Joogtay waxay u bedeleen xerro ay ku shiish bartaan.

Muuqaalkan Labaad Waa Afar  bilood kadib Muuqaalkii hore waxaana ka muuqda derbigii ay booc booca iyo cali garoobka ka baxeen oo la nadiifiyey islamarkaana aanay laheyn meel banaan oo ay dad daawanaya ciyaar Kubadda Cagta ah buuxiyeen,barxadii cowska iyo geed qodxeedyo kale oo qodaxdii iga soo muday aanay mudo bilooyin ah ka kabanna ay ku ciyaarayaan Ciyaartooy kala metelaya Laba degmo oo ka mid ah degmooyinka gobolka Banaadir ayadoo dadweynaha daawanayana ay xusid mudan tahay inaanay kaliya ka kala imaan xaafada Muqdisho balse qaarkood ay ka yimaadeen deegaannada Muqdisho duleedka ka ah halkaasi oo Kooxda joogta aanay ogoleyn farxad iyo isdhexgal Shacab dembina ay u arkaan.

Isbedellada nololeed ee ka jira Caasimadda hadii aan sii amba qaado waxaa magaalada inteeda badan kusoo laabtay dadkii horey uga barakacay kuwaasi oo mudo sanado ah aanay guryihii ay lahaayeen ku hoyan, waxaa dib u furmay Suuqyada ugu waaweyn magaalada,Waxaa dib loo howlgeliyey Iskuullo iyo goobo waxbarasho oo farabadan,Wadooyin dagaallada ku xirmay ayaa hada furmay oo gaadiidku waa ay isticmaalayaan,leyrarkii dansanaa oo dib u daarmay iyo waxyaabo kale oo farabadan.

Muuqaalkan Waa Muuqaal ka mid ah Muuqaallada sida aadka ah u muujinaya Nabadda waqtigan ka jirta Muqdisho iyo sida jawigeedu isku bedelay waayo goobtaan waa isgoyska Dabka gaar ahaan wadada aada Isgoyska Bakaaraha oo ay Laba Saac oo Habeennimo gaadiidka dadweynaha(BL) isticmaalayaan,iskadaa habeen iney gaadiid isticmaalaane Billo ka hor xitaa maalintii dad iyo gaadiid midkoodna ma isticmaali jirin oo waxay aheyd aag ama furun dagaal hadana indhahaaga ayaa kuu marqaati ah ma su’aalbaan gelin karnaa inuu isbedel muuqda jiro?

Muuqaalkaan  waa isgoyska Sanca ee magaalada Muqdisho waqtigii laga xoreeyey Maleeshiyada Kooxda Khawaarijta ah ee Al-Shabaab waxaana Muuqaalkan uu ka turjumayaa deegaanka oo cidla ah,dadkii degenaana ay ka barakaceen ayadoo mashquulkii Isgoyskaasina aanay muuqan sida gaadiidka faraha badan ee lagu yaqaan.

Muuqaalkaanna waa isla Isgoyska Sanca waxaana Sawirkan aan soo qaaday Seddex bilood kadib markii Sawirkii hore ayadoo uu ka muuqdo Mashquul iyo gaadiid markii hore aanay isticmaali jirin oo Isticmaalaya miyaan iska indha tiri karnaa in uu Isbedel jiro?

Muuqaalkaanna waxa uu Muujinayaa Arday ka timid goobahoodii Waxbarasho meesha ay marayaanna waa wadada Gumareey ee degmada Yaaqshiid intii ay Maleeshiyada Kooxda Shabaab joogeenna Iskuulka ay Ardaydan dhigtaan ee Al-Fajri ma uusan furneyn oo hadii uu furnaan lahaana majirin Waalidiinta ayaa i deegaannadaa kasoo fogeeyey ayadoo Waalid walbana uu ka baqanayey waqtigaasi in Wiilkiisa ama gabadhiisa uu Waxbarasho u dirsaday laga weeciyo dhabaha Ardaynimo loona adeegsado hurin colaadeed maadaama ay Carruur aan waxgaran u badan yihiin kuwaasi oo iyana qaarkii la qaldi waayo la qasbo ayadoo ay xusid mudantahay in weli Shabaab ay dhibaato la daba taagan yihiin Ardayda taasi oo marqaati ay u tahay Ardaydan muuqaalkooda aad hada arkeysaan oo ay Iskuulkooda albaabkiisa hore Miino ku aaseen.

Muuqaalkan waa Suuqa Bakaaraha ee magaalada Muqdisho waxaana Sawirkan lasoo qaaday markii suuqaasi laga xoreeyey Maleeshiyadii Shabaab ee mudo sida xooga ah ku joogtay ayaga oo saameyn ku yeeshay ganacsigii suuqa kadib markii ay ganacsatadu u dulqaadan waayeen ay sida joogtada ah Maleeshiyadaasi uga qaadi jireen ayadoo muuqaalkanna uu ka muuqdo raad bur bur iyo mid dagaal.

Muuqaalkaan Kalena waa Isla Suuqa Weyn ee Bakaaraha gaar ahaan Qeybta Qudaarta ayadoo Sawirrada Ka hooseeyana ay muujinayaan in suuqu uu isbedel ku yimid isla markaana ganacsigiisii uusoo laabanayo waxaana ganacsatadu ay hada ganacsigooda u wataan si caadi ah ayaga oo aanan wax wel wel ah ka qebin baad si joogto ah loo weydiiyo ayadoo baadaasina loogu yeeri jirey ZEKO.

Isbedelladan oo dhan ma jiri laheyn hadii aanay dadkii barakacay dib ugu soo laaban laheyn guryahooda ayaga oo kalsooni ka heysta Ciidammada Amniga taasi oo ah in ay ka badbaadayaan Maleeshiyadii dhibaatooyinka aan xadka laheyn kala kulmi jireen sida aad ka dheehan kartaan Muuqaallada soo socda oo iyagu muujinaya gaadiid kala duwan oo ay dad Barakacayaal ah kusoo guryo noqonayaan ayaga oo u hamuun qaba guryahoodii oo aysan Sanado ku hoyan.

Waxyaabaha kala ee xusida mudan waxaa ka mid ahaa in laga gudbay saameyntii ay Maleeshiyada kooxda Shabaab ku yeesheen Maskaxda Bulshada maadaama dad badan lagu qasbi jirey ayaga oo aan la dhaqan bedeli Karin waxyaabo aanay damiirka iyo garaadkuba u ogolaaneyn sida iney bur buriyaan wadooyinka magaalada oo ay bohollo ka qodaan si ay Maleeshiyada Shabaabku uga dhigtaan dhufeeyso kuwaasi oo ay aaminsanaayeen inaan laga saari Karin balse ay duufaan aysan u babac dhigi Karin jiirtay.

Muuqaalkan waa Dadkii ay Maleeshiyada Shabaabku ku qasbi jireen iney dalkooda burburiyaan waxaana Sawirkan uu muujinayaa Dadweyne ka qeybqaadanaya Olole Nadaafadeed iyo kuwo dhir jaris ah oo ay ka sameeynayaan Wadooyinka magaalada Muqdisho, Wadadanna Wadada Nasiib Buundo waxaanna shaki ku jirin in wado ka duwan wadadii shalay ay Shabaabku ku qasbayeen ay haayaan oo ay hada ka qeybqaadanayaan Soo Saarida Bilicda Caasimadooda ayadoo tanna aan ku tilmaami karno isbedellada Maskaxeed ee Shacabka ka muuqda waloow ay xusid mudan tahay in Maleeshiyada Shabaab ay dadkan u diidan yihiin horumarkooda oo xitaa ay qarxinayaan Hooyooyinkeena Nadaafadda ka shaqeeya.

Sidoo Kale Waxyaabaha Cadeynaya Isbedellada Nabadeed ee ka jira Caasimaddeena waxaa ka mid ah booqashooyinkii ay magaalada ku yimaadeen Madax kala duwan oo caalamka ka socota kuwaasi oo an ka xusi karno Madaxweynaha Jamhuuriyadda aynu walaalaha nahay ee Jabuuti,Ra’isulwasaaraha Turkiga iyo Xoghayaha Guud ee Q.M.

Gunaanud:-

Inkastoo dadka reer Muqdisho ay hada heystaan Isbedello dhinacyo badan oo dhanka nolosha ah, bilicda magaaladuna ay si tartiib tartiib ah uga soo kabaneyso dagaaladii, dad badanna ay guryahoodii dib ugu soo laabteen ayaa hadana waxaa marag ma doonto ah in Shacabkeena nalaga dhowrayo inaan dib nolosheenii usoo ceshanno ay inaga mid yihiin qaar aanan gareysneyn mas’uuliyadda saaran oo tusaale ahaan halkii laga sugayey iney ka qeyb qaataan sugidda Ammaankooda laamaha amnigana kala shaqeeyaan Sugidda Ammaanka ay taa bedelkeeda xitaa halkii ay ugu yaraan hay’adaha Amniga soo wargelin lahaayeen ay qarinayaan qofkii dhibka bulshada u geysan lahaa sida qof qaraxyo wada oo ay megen siiyaan ayaga oo aaminsan inuusan isaga u socon ee uu qof kale beegsanayo ayadoo markarka qaarna aad arkeyso dad iney Nadaafadoodii ka shaqeeyaan oo ay guryahooda banaankiisa Nadiifsadaan ugu yaraan Hay’addo Samafal ama Dowlada Hoose Lacag iney ku siiyaan sugaya balse aqristoow aan isweydiinee inagoo dadkaasi ay inaga mid yihiin halka aan ku hamineyno ma gaari karnaa????

FG:Sawirrada Ka Hadlaya  Isbedellada & Bilicda Magaalada waa kuwo Dhammaantood aynu kasoo xulanay Wararkii iyo Sawirradii radiomuqdisho.net horey idinkugu soo gudbiyey.

Abdifitah Dahir Jeite

Radio Muqdisho Web Editor.

Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-

Yurub                                            +442035190460

USA & CANADA                         +17124327760

 

 

 

Readers Comments (43)

  1. xasanan mohamed says:

    July 23, 2011 – QOL – Maansadan waxaan ugu magac daray MUQDISHO, waxa ayna ka hadlaysaa waxa ka dhacay muqdisho in ay masuul ka yihiin intii samaysasy laakiin ay Muqdisho weli tahay

    ahaanan doonto sidii ay weligeed ahayd (Janadii aduunka) cidii waqtigiisa dagaal iyo isku dhaafiya nabad la’aana asaga uun baa eedaya laakiin muqdisho waxay la balan san tahay

    ama dhici doonta maalin rag wax u soo bartay oo jecel iyaduna ay jeceshahay ay ka talin doonaan kana jafi doonaan boorkii ay wax magaratadu ku seyreen.

    Muqdisho masuul kama aha afcaasha wax magaratadu ku kacayaan, mana aha sida dadka qaar uu isku xirayo magaceeda iyo masiibada.

    Muqdisho waa Muqdisho waxayna ahaan doontaa Muqdisho waxaayna maalin maal maha ka mid ah la xisaabtami doontaa denbiilayaasha.

    MAANSO (MUQDISHO )

    MUQDISHOOY MACAANEEY
    MIIRKIYO NAFTAYDIYO
    MAANKAYGU JECELAAY
    MARKAZKII AQOONTAAY
    MILICSIGA INDHA IYO
    MOHASHADII NAFTAYDAAY
    MUDANIHI ADUUNKAAY
    MAKA IYO MADIINIYO
    DIINTII MAXAMED (SCW) MOOYEE
    INTA KALE KA MUDANIYO
    KA MARTABAD SAREEYAAY
    MAALKII ADUUNKEE
    MOWLEHEEN NASIIYAAY
    MARTIDEED U ROONEEY
    RUUXI SOO MUTAYSTIYO
    MASAAKIINTA JECELEEY
    MIISAAN WANAAGEEY
    MOWLAC LAGU SALAADIYO
    MASAAJIDA BADANEEY
    CIIDEEDU MALABEEY
    TUSAALIHI MIDNIMADAAY
    MAHDIGII IMAAMKIYO
    MINANKAAN LAHAYNOOW
    MUQDISHADAAN JECLEEYEEY
    XAMARTII MECEYDEEY
    INKASTOO AAN MAQANAHAY
    MEEL DHEERNA KAA JIRO
    HALKAAN MILICSANAAYIYO
    MUSTAQBALKAAN LAHAAYEEY
    MUUQAAL QURXOONEEY

    NINKII MAALINTIISII
    MURAN UU KU DHAAFOO
    NABADII MUCAARDA
    ASAGAA KU MAQANOO
    MOORYAANTA KUWI DHALAY
    NABADIINA MAYA YIRI
    MAANTABA MA JOOGAAN
    QAAR WAA MARXUUMEEN
    QAAR WAA MACLUULOO
    DA’DIIBAA MIREYSOO
    MADAXAA CADAADOO
    WAY MUUQ XUMAADEEN
    MAGACOODI IYAGAA
    MADOOBEEYAY GOOR HORE
    WIXII MUSUQ AHOO DHACAY
    IYAGAA MASUUL KA AH
    ADNA WAAD KA MARANTOO
    MUQDISHOOY WAXAAD TAHAY
    MADAXII DALKEENIYO
    MIRIHII JANADA IYO
    MANAD UU ILAAHAY
    NAGU WADA MACIINOO
    DADKA KALANA MOOOGYAHAY

    INKASTOO AY MAALMAHAN
    MURAAD GAARA NIMAN LIHI
    KULA DOONAYAAN MOOL
    KA MEERMEERIS BADANEEY

    INKSTOO MAREYKANIYO
    QARAMADA MIDOOBANA
    SHIRQOOL KUU MALEEGAAN
    ALAAH MAGANSI BADANEEY

    INKASTOO MANSUUR IYO
    GODANAHA MAJNUUNKA AH
    KUGU MEYRAYAAN DHIIG
    MIDABKEEDI SIDATAAY

    INKASTOO MASIIBADU
    MAASHAYSAY WADANKOO
    MATAANAHAAGI QAARKOOD
    MAGACOODI DOORSHEEN
    XUMAAN TII KA MARNAAY

    INKASTOOY DAD MAAGEEN
    CALANKII MASUUGEEN
    KALA MIDABO QAATEEN
    MEESHEEDI JOOGTAAY

    WAXAAN MEEL TAAGAYNIYO
    MARYO AAN QURXOONAYN
    OO MEEL LA SOOSURAY
    MARNA KUMA MASHQUUSHAAY
    MUQDISHOOY MACAANEEY
    KOLAY WIXI KU SOO MARAY
    MEEL BAAD KU QORATOO
    NINBA WUXUU MUDAYSTAAD
    KOLAY MIISKA SOO DHIGI
    ALOOW KUWII MACAASHEE
    MALAFKOOD NADIIF YAHAY
    MAALINTAA INAGA YEEL
    MUQDISHO WAAN KU JECELAHAY.

  2. maxmed says:

    si la mid ah waaaaaaan ku farax sanahay is badalka magaaaaaaaaalad

  3. farhiya ali says:

    maasha allah waa hurumar muuqda isla markaana ayadoo la ogaa ooanan dafiri karin waxii noohagaagay aad hadana nasii xasuusiseen thnks r/muqdisho jira waligiin insha allaah waqtigaan waqtigeena reyn reyn iyo horumar farxadleh dalkoo xabad lagaga diimaya maqalkeeda dowladnimo taaam ah insha allaah ayaan rajeeyneeyna sanad wanaagsan all somali

  4. AhmedNur says:

    Maasha Allah muqdisho magaalo madaxdeena sida miraha luulka mowjada badweynta ka muuqato dhexdooda.Run ahaanti waa muuqaal rajo ina gelinaya aad aya ugo faraxsanhay isbadalka kaso muuqta Caasimadena waxa si cad loo dareemi kara in shacabka muqdisho sida ay diyaaarka ugo yihiin inay ka shaqeyaan Qranimadoda iyo hurumarka wadanka iyo Dowladinmo.Allah wxaan ka baryenaa in sanadkan cusb inaga dulqaado colaada iyo abaarta kana kii aan ku guleysan laheyn Qaranimo iyo Dowlad rasmi ah naga saaro khilaafka iyo colaad.
    Allhow sanadkan cusub hertidiisa na mooti iyo shartiisa

  5. Waa xasus aan dugobi donin keydakana gashay

  6. Abdinur says:

    Masha’allah allow noosisiyadi alhamdulilah waadna ku mahadsantihin bahda radiomuqdisho

  7. YARTA WADNKIDA UHELOWDAY says:

    MASHA ALLAH MASHA ALALH ALLOW NABADIINA NOOSII SAIDI OONOGA DHIG MIDII AN KUWARI LAHYN INTA NOLOSHENA KADHIMAN UMADA SOMALIYEET MELKASTA OO AY JOGAN WAXN URAJAYNAYAA FARXAD WARTA IYO HORMAR

  8. Maxamad says:

    Asc marka hore bahda warbaahinta qaranka siqaasa ayaan idiin salamay wana kumahadsan tihiin dhiira gelinta ad umada usamaynaysaan hadana siikordhiya intaaa kadib waxaan laxaqiri karin in manta muqdisho aysan ahayn say ahayd lixbil kahor runti mugddi iyo iftiin kala wanaagsan muqdisho manta hurumar ayaa kasocdo taasna cidwalbaa og waxaana kumahadsan cidanka xds iyo madaxda qaranka waaa iga dar daran dadwaynow inaad far xad iyo damashaad kunolataan iyo inaad duli iyo daruuf la dulowdaan tumaa idinla gubooooon kulay fursadaan haysano maanta midlamidaa nasoo mari meee e an shbb iska dhicino dalkeenana xurimo kula damaaashaaadno waa danteeneee ilahow umada isu sooooo dum amiiiiiiin

  9. cumar says:

    sxb dowladda waa ay dadaashay waana taageersanahay laakiinse wali waxbaa u haray, waxaana ka mid ah waxyaabaha u haray oo aan ka sugeeno inee sameeyaan waa, inee naga dul qaadaan ciidankaan is hortaagan oo shabaab ay ka saaraan intee ka joogaan degmada Heliwaa, si aan ugu soo laabano guryaheena iskuulaadkeenana u dhigano. :D
    fadlan intaas si dhaqsi ah ha noogu sameeyaan, saaritaan kaliyana kama rabnee amaanka oo ay sugaanaan ka sugeenaa. :D <3 ;)

  10. Jaam says:

    Masha.alah aad iyo aad aya ugu faraxsanahay ilahow ino siyadi sidan iyo sikasi fcn amin amin amin

  11. moo says:

    INSHA ALLAH WAAN GAARI DONAA dad waynahana ha ogaadeen qiimaha nabada leedahay

  12. jama says:

    MaashaAllah, Alloow noo siyaadi. Waa inaynu ogaano in quruxda iyo sharaftani aanay ku imaan bilaash oo ay dad dhiigooda uhureen. Sida kaliya oo abaalki dadki dhintay iyo kuwi dhaawacmayba lagu gudi karono waa inagoo nabada xoojina kana hortagna wax kasta iyo cid kasta oo wax udhimaysa. Guul iyo sharaftii qaranki Soomaaliyeed oo sii xoogsata ayaan Allah ka baryeynaa. Aan ogaano in wax ladhiso mudo dheer,sabar,wadajir iyo wadashaqayn ayey qaadataa. In wax ladumiyana in yar ayey qaadataa. Aan wada dhisno wadankeena si wada jir ah.Markale hambalyo dowlada Soomaaliyeed iyo shacabka Soomaaliyeedba. Kulu Caam wa-antum bikheyr.Shaqo wanaagsan Radio Muqdisho.Wasalaama calaykum waraxmatuAllahi Wabarakaatu.

  13. Qabshax Macalin Cumar says:

    UMADA SOOMAALIYEED WAXAAN U DIRAYAA HAMBALYO KU AADAN SANADKA CUSUB EE 2012 WAXAAN ALLE KA BARYAYAA INUU NOQDO SANADKII SOOMAALIA NABAD AY NOQON LAHAYD OO ALSHABAAB IYO AL QAACIDA AAN KA SAARI LAHYN SOOMAALIYA HADII EEBE IDMO
    TAN KALE UMADA REER MUQDISHO WAXAAN LEEYAHAY NABADA AAD HAYSATAAN KU FARA ADEEGA OO KUWA NABADA DIIDAN MEEL UGA SOO WADA JEESTA OO LA SHAQEEYA CIIDAMADA NABADSUGIDA SI AY HOWLAHOODA UGUTAAN

  14. Asc Marka Dhamaan Umada Muslimka Ahow Gaar Ahaan Kuwa So0maaliyeed’ Waxan S0o Dhaweenaya Nabada & Horumarka Ka S0cda caasimada umada so0maaliyeed Waxana Shacabka Reer Muqdisho Kula Dardaarmaya inay Nabada Dhawrtaan ILeen Ayagay Dani Ugu Jirtaaye ‘ So0maali Han0olaato Wblhi T0wfiiq

  15. Hassan says:

    walahi waa wax xaqiiqo oo jira ilah hanoo siyaadiyo dhamanteen.BAHDA RADIO MUQDISHO Waa mahad sntihiin dhamaan shqaalaha iyo ma suuliyiinta waxan idiin lee yahay meesha ka sii wada SANAD WANAAGSAN KAN KIISA KALE IYO WADANKA OO NABAD AYAAN RAJAYNAYNAA IN SHAA,AALAH
    Download: eType1.com/f.php?FF3H3G

  16. Tanks Jayte Sxb Sare Idinma Arkin Adi Iyo Sabriye Wayadan hada Dib Uso Labaten ZAKI S/AFRIKA

  17. daud jeylani says:

    walahi waa hormar aan garnay oo wadankeyn oo dib u solaabtay marwalbo waxa aan ku oyaa sida aaan ku arki lahay somali oo kala dambeyso marwalbo wadanka waxa dhisto shacabka hadey shacabka ay wada kacan muqdisho waxay noqaneysa wadanka hormarsan haddii runta la sheego wadanka waxa wax ka badalay tarsan iyo farmaajo iyo madaxweynaha miyaa laga waye toban ayaga oo kale somali war dadow fadhiga ka kaca ha ha ku mushqulina qabil

  18. Ali Yusuf says:

    Reer Radio muqdidsho waa ku mahadsantihiin barnaamijyada aad inoo soo gudbisaan. Gaar ahaan mahsanid walaalkeen Jyte , barnaamijkan waa mid run ah oo la taaban karo.

    Ali
    DK

  19. CILBAK says:

    Aniga waxaan ahay kii ku soo qaatay waqti badan Noloshii dhibka badneyd iyo waayihii rafaadka waxaan ka soo tagay bilowgii 2009 waan xiiseynayaa in aan dib ugu soo laabto sida ugu dhaqsiyo badan waa meel aan xiiseynayo in aan arkaa nabadeedana waa mid aan mudo ku taamayay allahayow dalkena iyo iftiinkii dalkaba nabad nooga dhig si aan ugu naaloono

  20. Wadani says:

    waax muuqaalo qurux badan oo qalbiyadayada farxad ku beeraya waaa til maam muujinaysa macaanka dowladnimadu leedahay,sawaridani waxay fariin u tahay oo ka turjumaysaa wax qabtka dowlda.

  21. Yassin says:

    waxaa marag ma doonto in ay dadkii reer muqdishu ka raaysteen bahalihii dhiigooda iyo xolahooda banaystay. Ilaah ayaa mahad leh iyo ciidanka xooga dalka ee dhiigooda iyo naftooda u huray badbaadada bulshada somaliyeed.waxaan rayjaynaa inay wadanka kasaraan inta ka hartay habaar qabayaashaas.

  22. ahmed says:

    sawiradan weriyaha sooqaaday bilad dahab baa mutaysatay jayte mahadsanid.

    hal hal baanula socday sawiradaan..waan ognahay kuwa war xume tashiilka ah waxey ka dhahaan xamarcadde..

    xamarcadde ha noolaato.

  23. Hanad says:

    Waa sawiro farxad leh. Inshalah Alle waxaan Dalkeena iyo dadkeena oga baryey in sanadkan nabad waarto iyo barwaaqo noogu dhamaado culayskana Alle naga dulqaado.
    Guul umadda Soomaaliyeed Meelkasta ay joogaan.
    Banaadir iyo xamar cadde guul iyo nabad.
    Thanks Radio Muqdisho.

  24. Abdi Muuse says:

    Masha Allah
    Nolol lataaban karo ayaa dhalatay dhab ahaantii. Shacab ahaan waa inaan danteena oqoonsano isla markaana u istaagno waxii Aminiga Liddi ku ahna wax ka qabano ama Wargelino laamaha ku shaqada leh Amniga. Wa Billaahi Tawfiiq

  25. Asc all somali meel walbo ay jogan waxan leeyahay sanad cusub runti waxa aan aad ugu faraxsanahay oo la iska indhatirikarin isbedelka nawaded kasoconaya magaalada muqdisho runti aniga oo kamid dadka qurba jokta ah oona kamidka ah ardayda waxbarashada dibada ujokta runti aan markan aan arkay sawirada mujinaya nawada sida xeebta aan dhihi karo xeebta adunka ugu fican oo dad weynaha kudamashadayan runti waxan isdhahay alla maxad ujogi weysay runti nawado waa qeyb kamid nolosha allahow dalkey nawad waarto sii waxan aan ugu mahad celinaya allah marka xikta radiomuqdisho oo marwalbo noosotawiya isbedelada kadhacaya muqdisho waxan leyahay muqdisho nawad warto.by

  26. Ali Mataan says:

    WAAW…..SANAD CUSUB OO BARWAAQO INOO DHALIYO ALLAHA NOOGA DHIGO 2012 INSHA ALLAAH,,,,

    WAXAA MAHAD KALE ISKA LEH ABWAANKA ((XASAN MAXAMMED)) RUNTII WAA MAANSO QIIMO LEH OO IN LA DIIWAAN GALIYO ISTAAHISHO,,, AFKAAGA CAANO LAGU QABAY SXB.

  27. qaali says:

    maansha allaah ilaah waxaan ka baryeeynaa in uu intaa in ka badan nasiiyo waa hoowl wanaagsan wax qabad baaxad leh ayeey qabteen .lkn masuuliyiinta dowlada waxaan ka codsaneynaa niyad jabka in eey shacabka ka dayaan marba marka ka danbeyso oo wax la qabto is heysi baa yimaado marka ilaah tafaraaruqa hanaga bixiyo oo isku uur hanaga dhigo dhamaan umada soomaliyeedne waxaan ilaah kawada baryeeynaa nabad waarta wanaag farxad reereen iyo isku uur eebow arligoo nabda aamin

  28. Mohamed says:

    Masha allaah illaahow noo kordhi nabada kasoo iftiimeeso somalia , nagana qabo kuwa nabad diidka ah oo khawaarijta ah . Aamin

  29. mr afgooye says:

    asc dhamaan muwaa diniinta soomaaliyeed salaan qaali ah ayaan hawada idiin somarinayaa, hadaa ka jawaabo su aasha wariyaheena qaaliga ah ee marwalba nala socodsiiya hormarka wadan keena waxaan leeyahay walaal waaynu gaari karnaa meesha aan ku hamiyeeyno hadii la muujiyo midnimo oo laga tago qabiilka iyo qurunka uu wato,kuwa waxqasaya ee qawaaarijta ahna waxaa ku filan oo kaliya in farta lagu fiiqo lagana dhigo tuke cambaarleh, meeshii lagu arkana lagu gowroco umadana ogaadaan nabada qiimaha ay leedahay ayna ogaadaan oo kale nabad iyagu aan sameysan shisheeye inuu u sameyn karin wadan ku waa wadan keena inagaa hagaa jisan karna inaga na wax u qaban karna hadii aan sidaa yelno meesha aan ku hamiyeeyno waaynu gaareynaa wabilaahi towfiiq midnimaa sharafleh wadaninimaa aqoonsileh daba dhilifnimaa doqon nimo ah, doolarhoo dadkaaga lay baa doqon mimo ah

  30. cumar aqii says:

    ilaahow sidaa iyo si kawanaagsan ayaan kaa barinay waa xusuus aanan la iloobi doonin

  31. abdalla says:

    muqdisho waan ku jecelahay
    dad daneeyoe dowlad baan u baahan nahahay

    فــقطع دابر القــوم الذين ظلمــوا و الحـمد للــه رب العـالميــــــــن

  32. salaad wadani iyo cadaadow says:

    walaahi waa rajo lag hanbalyo hanbalyo byeu farxo waayo waxaan aragnaa muuqaalkii muqdisho oo kasoo kacaayo dhaawicii gaaray mudada dheer waxaana leenahay hanbalyo

  33. Abdullah says:

    Allaahu Akbar Walillaah Alxamd ilaahow Nabad ayaan kaa barinnay Ilaahow dalkeenna.اللهم أحفظنا وأحفظ مدينة مقديشو وأحفظ أهل مدينة مقديشو يا رب العالمين

  34. barre says:

    waa horumar aan ku farxi karnno sii kordhiya waan idiin garabtaaganahaye

  35. GAACIYE says:

    ASC dhamaan uamda soomaaliyeed waa farxad noo soo hoyatay ilaahay waxaan uga baryaayaa sanadka cusub ilaahay nabad noo ga dhigo wadanka oo dhan, waa mahad alah maalinkii muqdisho iigu danbaysay 1991 iyo maanta muuqaan ku arko waa kaaf iyo kale dheere ilaahoow mahadaa

  36. marka hore salaan
    maka xige samo ku waar
    magaaladii sinaantaay

  37. dadku kala arag dheer
    oo kala ogaal dhow
    ama kala aqoon dheer
    eed hadaan la dooneen
    ama hiba ilaahay
    asaraar kataagneed
    geyshkii arligeygow
    hadaan eexo kaa galeen
    geyshyahow la’aan taa
    nabad lama arkeen
    muqdishoy arligeygaay
    waxaad u egtahay
    sidii geed udgoon
    ku dhexyaal ugbaadoo
    oogada ubax kaga yaal
    ama ilo xareedoo
    nafsiyaadka lagu ilooboo
    waxaa tahay aduunyada
    mida u uduboo
    loo ashqaraaroo
    waxaan dhamaan leeyahay umada soo maaliyeed in ay taageeraan ciidankeena oo ay garab istaagaan oo ay ka daba wadaan caanha iyo biyaha
    had iyo jeerna ay ka ilaaliyaan weerka aan waxba reebeen dhamaan umada qurba joogta soo maaliyeed waxaan urajeenaa in ay iyagana fahmaan dhibaatada la heeso halkay sarta ka qurunsanthaay waxaan umahad celiynayaa tiifiiga qaranka soomaaliyeed oo jecel had iyo jeer in uu laga haqa beel siiyo waxa ka jiro ama isbadalada ku socdo iyo horu marka ka socdo wadan ka salaamullaahi calaykum nabad iyo nolol wacan muqdishooy

  38. Abdullahi says:

    http://newmogadishunews.wordpress.com/

    Mahadsanid walaalka qoray qormadaan waxaan rajeeynayaa in loo fahmo sida aad u dhigaayso oo aan la muujin rajo darro.
    http://newmogadishunews.wordpress.com/
    soomaalo/qalinka

  39. cadaawe says:

    asc/aqyaarta /aad iyo ad ugu faraxsanahay hor umarka kamuuqda moqdisho in kastoo kamaqanaha hada laakin leeyahay allaha no siyaadsho nabada

  40. kornelka says:

    walaahi waan ku faraxsanahay rajo inooga muuqaneysa caasimadeena ciidamada xooga waxaan leeyahay sii wada dadaalkiina mahadsanid

  41. salan sare radio muqdisho waxaan aad iyo aad ugu farxay daawashada sawiradan muujinayo qiirada iyo xamasada walahi waan ku farxay dhaman waxana xaqiijiyay wadan naga qurxoon majiree daryeel baan jirin radio muqdisho hanoo laado thnks

  42. m shiine says:

    muqdisho waa maskin muqeeda la bahdilay muqdihso waa muhim dib in lo so noleeyo
    muqdisho waa dahab an lahelin karin dadkeda dayacay ,muqdisho manta somali oo idil xaal marin kusineyso aloo nabad

  43. axmad says:

    oohin caadi ah ayaan ooya mararka qaar sawirada nuucan ookale markaan arko !! maasha alaah ilaaheey ayaa mahadaas leh




Please note: Comment moderation is enabled and may delay your comment. There is no need to resubmit your comment.

Toos U Dhageyso Radio Muqdisho

Wararka

Arday

Arday Soomaaliyeed oo Yemen lagu soo dhaweeyay

Qunsulka guud ee Jamhuuriyadda Soomaaliya u fadhiya magaalada ...
Xildhibanno

Xildhibaannada oo kulan ku leh Muqdisho

Mudenayaasha Baarlaamanka Soomaaliya ayaa maanta lagu wadaa in ...
astaanta-warka16

Dhageyso Warka Subax ee Radio Muqdisho

[audio mp3="http://radiomuqdisho.net/wp-content/uploads/2014/11/War-Subax-01.11.2014.mp3"][/audio]
unnamed

Waxqabadka Dowladda ee Usbuucii la soo dhaafay.SAWIRO

Mogadishu, 01 November 2014 – Wasiirka Warfaafinta Mudane ...
14

Shaqaalaha Shirkadda Golis Gaalkacyo oo deeq dawo ah gaarsiiyay Isbitaalka Guud ee Gobolka Mudug (Sawiro).

Shaqaalaha Shirkadda Isgaarsiinta Golis ee magaalada Gaalkacyo ayaa ...
astaanta-warka16

Dhageyso Warka Duhurnimo Ee Radio Muqdisho

[audio mp3="http://radiomuqdisho.net/wp-content/uploads/2014/10/WARKA-DUHUR-31.10.2014.mp3"][/audio]
DSC07371

Wasiir Ku Xigeen Mahad Salaad Oo ka Warbixiyay Shir Helsinki uu Kaga Qeyb Galay “Sawirro”

Wasiir ku xigeen mudane Mahad Salaad oo howlo ...
IMG_4679

Safiirka Turkiga ee Soomaliya Oo lagu soo dhaweeyey degmada Hiliwaa “Sawirro”

Gudoomiyaha G/banaadir ahna Duqa Magaalada Muqdisho Jeneral Xasan ...
SESIONKII

Wasiirada Gaadiidka Dhulka Africa Oo Nairobi Kaga Shiray Horumarinta Gaadiidka “Sawirro”

Isutagii ugu horeeyay ee Horumarinta Gaadiidka Dowladaha Afrika ...
kulanka todobaadka cadaala

Barnaamijka kulanka Todobaadka oo lagu falanqeeyay mashruuca calaamadeeynta guryaha G/Banaadir (Dhageyso)

Barnaamijka kulanka Todobaadka  ee ka baxa Radio Muqdisho ...
astaanta-warka16

Dhageyso warka subax ee Radio Muqdisho

[audio mp3="http://radiomuqdisho.net/wp-content/uploads/2014/10/WAR-SUBAX-31-10-2014.mp3"][/audio]
Jaamac-Oday

Wasiirka wasaaradda Tamarta iyo Biyaha oo dalbaday in la banneeeyo xarumihii wasaaraddaasi

Wasiirka wasaaradda Tamarta iyo Biyaha Jaamac Axmed Maxamed ...
Cabdiweli-Sheekh-III-300x237

R/wasaaraha oo guddi wasiirro ah u magacaabay geerida taliyihii ciidanka booliiska

Ra’iisul Wasaaraha Xukuumadda F. Soomaaliya ayaa magacaabay guddi ...
Astaanta-Bandhiga-Wareysiyada12-150x150

Dhageyso barnaamijka Bandhigga Wareysiyada ee Radio Muqdisho

Barnaamijka Bandhiga Wareysiyada waxa uu ka mid yahay ...
201499635458526731427637Taliyaha_Booliiska_Somalia

Guddoomiyaha Gobolka Banaadir Oo Ka Tacsiyeeyay Geeridii Taliyihii Ciidanka Booliska

Mogadishu,30, October 2014- Guddoomiyaha G/banaadir Ahna Duqa Magaaladda Muqdisho ...
war-deg-deg-ah1-150x150114216

Ra’isul Wasaaraha Dalka Oo Magacaabay Ku Simaha Taliyaha Ciidanka Boliiska Soomaaliyeed.(DAAWO MUUQAAL)

Ra’isul wasaaraha Xukuumadda Federaalka Soomaaliya C/weli Sheekh Axmed ...
astaanta-warka

Dhageyso Warka Habeennimo Ee Radio Muqdisho

[audio mp3="http://radiomuqdisho.net/wp-content/uploads/2014/10/WARKA-HABENIMO-30.10.2014.mp3"][/audio]
unnamed (2)

Shaqaalaha Xafiiska Ra’iisul Wasaaraha oo loo qabtay Aqoon Is-weydaarsi la xiriira shaqada “Sawirro”

Mogadishu,30, October 2014-- Waaxda Shaqada Shaqaalaha iyo Tababarrada ...
Cabdiweli 1

R.W Cabdiweli oo ka Tacsiyeeyay geeridii ku timid Taliyihii Ciidanka Booliska Soomaaliyeed

Mogadishu,30, October 2014-- Ra’iisul Wasaaraha Xukuumadda Federaalka Soomaaliya Mudane ...
Sequence 05.Still002

Madaxweynaha oo ka tacsiyadeeyay geerida taliyihii Booliska Soomaaliyeeed

Abu Dubai- October 30, 2014- Madaxweynaha Jamhuuriyadda Federaalka ...
Jaawri Sawir Hore

Ku Simaha Madaxweynaha Dalka Oo Ka Tacsiyadeeyey Geerida Taliyaha Ciidammada Booliiska Soomaaliyeed…WARSAXAAFADEED

Gudoomiyaha Golaha Shacabka Jamhuuriyadda Federaalka Soomaaliya ahna ku ...
war-deg-deg-ah1-150x15011421

War Deg Deg ah, Taliyihii Ciidanka Booliiska Soomaaliyeed oo geeriyooday.

War Deg Deg ah. Allaha u naxariirstee waxaa maanta ...
DANI

Wasiirka Qorsheynta Qaranka oo maanra soo xiray shir looga arinsanaayay qorshaha Qaranka ee 5 sano ee nagu soo fool leh.(DAAWO MUUQAAL)

Shirkan  wata shiga ahaa  oo looga ari sanyay   ...
astaanta-warka16

Dhegeyso Warka Duhurnimo ee Radio Muqdisho

  [audio mp3="http://radiomuqdisho.net/wp-content/uploads/2014/10/warka-duhur-30-10-2014-ok.mp3"][/audio]
wasiirka warfaafinta

Wasiirka Warfaafinta oo ka qeybgalay kulan Dhalinyarada lagu wacyigelinaayo oo Muqdisho lagu qabtay.(DAAWO MUUQAAL)

Kulankan  ooh al ku dhiggiisu ahaa xal u ...
SAM_4729

La heystayaal Afar sano u afduubnaa Burcad badeed oo ku soo wajahan Muqdisho

Garoonka diyaaradaha ee degmada Dhuusamareeb ayaa goor dhaweeyd ...
shabaab

Dad Beeraley ah oo maleeshiyaad ka tirsan Shabaab ku dilay tuulo ka tirsan Mahadaay

Maleeshiyaad ka tirsan Shabaab ayaa lagu dilay tuulo ...
Xasan-sheekh

Madaxweynaha Jamhuuriyadda Soomaaliya oo xalay gaaray magaalada Abu Dhabi

Madaxweynaha Jamhuuriyadda Federaalka Soomaaliya mudane Xasan Sheekh Mxamuud ...
astaanta-warka16

Dhageyso warka subax ee Radio Muqdisho

[audio mp3="http://radiomuqdisho.net/wp-content/uploads/2014/10/WAR-SUBAX-30-10-2014.mp3"][/audio]
IMAG0966

Wasiirka arrimaha dibadda oo khudbad ka jeediyay Shirka la dagaalanka burcad badeedda (Sawirro)

Dubai, October 30, 2014- Wasiirka Arrimaha Dibadda iyo ...
IMG_12681

Arday Soomaali ah Oo Deeqo Waxbarasho Lagu Gudoonsiiyey Xarunta Jaamacada Mount Kenya University Ee Magaalada Thika “SAWIRRO”

Xarunta ay Jaamacada Mount Kenya University ay ku ...
Astaanta-Bandhiga-Wareysiyada12511

Dhageyso barnaamijka Bandhigga Wareysiyada ee Radio Muqdisho

Barnaamijka Bandhiga Wareysiyada waxa uu ka mid yahay ...
astaanta-warka16

Dhageyso Warka Habeennimo Ee Radio Muqdisho

[audio mp3="http://radiomuqdisho.net/wp-content/uploads/2014/10/WAR-HABEEN-29.10.2014.mp3"][/audio]
astaanta-Puntland

Bulshada Rayidka ah ee Puntland Oo Soo Saaray Qodobo Ku Saabsan Dimuqraadiyaynta

Maanta oo ay taariikhdu tahay 29 October 2014 ...

Tubta Toosan

show

Islaamka & Xiriirka Caalamiga ah

Islaamku waa diin caalami ah oo ku socota ...
Qarac

Dilka Rayidka Diintu maxay ka qabtaa?

Maleeshiyada Alshabaab tan iyo markii la dilay hoggaamiyahoodii ...
Tadaruf

Xag-jirnimada maxaa laga dhaxlay? Dhageyso

Xag-jirnimada aad ayay uga digtay Shareecada Islaamku, waxa ...