Tuesday, September 2nd, 2014

DAAWO SAWIRRADA:-Magaalada Gaalkacyo Oo Laga Dareemayo Hormar Dhinacyada Dhismaha Iyo Ganacsiga Ah

Published on January 19, 2013 by   ·   27 Comments  ·   17,046 views

Magaalada Gaalkacyo ee xarunta gobolka Mudug ayaa waxaa laga dareemayaa mudooyinkii ugu dambeeyey hormar dhinacyada dhismaha iyo ganacsiga ah ayadoo hormarkaasi ka jira magaaladana uu keenay in durbaba isbedel dhanka bilicda ah laga dareemo magaalada Gaalkacyo.

Isbedelkan hormarineed ee ka jira magaalada Gaalkacyo ayaa yimid kadib mudooyinkii ugu dambeeyey ay magaalada si aad ah usoo dhismeysay waxaana dhismahaasi iyo goobo ganacsi oo waaweyn oo laga hirgeliyey magaalada Gaalkacyo ay wax weyn ka bedeleen muuqaalkii Gaalkacyo.

Hormarkan dhanka dhismaha iyo ganacsiga ee ka jira magaalada Gaalkacyo ayaa ku yimid kadib markii ay si aad ah Gaalkacyo ugusoo laabteen sanadihii ugu dambeeyey qurba joogta magaalada u dhalatay kuwaasi oo iyagu soo laabashadooda kadib ka qeyb qaatay dib u dhiska Dalkooda,qeytaas ayaana ah qeybta ugu weyn ee dhismaha magaalada Gaalkacyo ka hirgelisay.

Inkastoo magaalada Gaalkacyo ay laba maamul siyaasad ahaan ka kala taliyaan hadana is dhexgalka bulshadu waxa uu aad uga duwanyahay sida uu ahaa sanadihii hore waayo dadku hada waxey isku dhexgalayaan ama isku dhexmaraan si isku mid ah taasina waxey kuu muujineysaa in wacyiga dadka oo si aad ah uu wax iskaga bedelay ay sabab u tahay in magaalada Gaalkacyo ay si aad ah u dhisanto.

Dhismooyinka magaalada laga hirgeliyey waxey u badan yihiin Hoteello kuwaasi oo iyagu labadii sano ee aynu kasoo gudubnay magaalada si aad ah looga dhisay waxaana maagalada Hoteellada ku yaala ay ku dhowyihiin 100 Hotel.

Kuma koobna oo qura hormarka ay magaalada Gaalkacyo sameyneysay sanadihii ugu dambeeyey dhanka dhismaha oo waxaa sidoo kale ay magaaladu si aad ah hormar uga sameysay dhanka ganacsiga waayo Gaalkacyo hada waxaa ku yaala suuqyo farabadan kuwaasi oo maalin walba ay dadku u dukaameysi tagaan.

Marka aad suuqyadaasi tagto waxaad ku arkeysaa goobo ganacsi oo ay ka mid yihiin carwooyinka kuwaasi oo loo sameeyey si la mid ah sida carwooyinka ku yaala dalalka dunida hormaray waxaana carwooyinkaasi looga adeegtaa si lamid ah sida carwooyinka dalalka caalamka,waxaana dadku ay ka helayaan wax walba oo baahidooda la xiriirta.

Dhanka waxbarashada magaalada Gaalkacyo si aad ah ayey uga hormartay sanadihii aynu kasoo gudubnay waayo magaalada waxaa hada ka jira goobo waxbarasho kuwaasi oo isugu jira dugsiyo hoose,dhexe,sare,macaahidyo gaar loo leeyahay iyo Jaamacaddo kuwaasi oo ay maalin walba dadyow farabadan u waxbarasho doontaan.

Magaalada Gaalkacyo taariikh ahaan waxey leedahay taariikh dheer waloow ay dadka sida aadka ah taariikhdeeda u yaqaana ku sifeeyaan iney aheyd magaallo intabadan ay ku yaaleen xerooyinkii Ciidammada xiligii Dowladdii Dhexe.

Kumasoo koobi karno qormo qura isbedelka xiligan ka jira magaalada Gaalkacyo ee dhanka hormarka la xiriira waxaase hormarkan uu qeyb ka yahay hormar ay si guud u sameynayaan marba marka ka dambeysa magaalooyinka Dalkeenna.

FG:-Sawirradan waxey qeyb ka yihiin Muuqaallo uu Radio Muqdisho ugu talagalay in shacbiga Soomaaliyeed aynu horey ugusoo bandhignay kuwaasi oo ka turjumayey bilicda iyo isbedellada hormarineed ee ka jira deegaannada,degmooyinka iyo gobollada Dalkeenna hadii uu Alle idmana naga fillo Sawirro kale oo ka hadlaya Dhulkeenna Hooyo.

 


Readers Comments (27)

  1. somalisson says:

    maansha allaah reer Galmudug ilaahay ha idiin siyaadiyo horumar fiican baad gaadheene nin walba inuu magaalada uu ka soo jeedo uu dhiso lama huraan waaye si aynu wadankeena u dhisano waa in nin walbaa gurigiisa ka bilaabaa Reer GALMUDUG na waxan lee yahay hambalyo koley idin kama xumin horumarkaad gaadheen laakin hambalyo

  2. Samatar Gacaliye says:

    Maasha’allaah waa sawiro qurux badan.

    Laakiinse Gaalkacyo oo dhan ma ahan, meeshaan waa Xaafada Israac.

    Gaalkacyo waxeey ukala baxdaa sadex qeybood oo kala ah:
    1) Garsoor
    2) Israac
    3) Baraxleey(Galmudug)

    Marka danbe waxaan jeclaan lahaa in lagu soo daro sawirada Gaalkacyo oo dhan!

    Hada sawiradaan xaafada Israac hoteelada iyo dukaamada!

  3. husein says:

    asc maaaaaashaaaaa alaaaaaaah soomaaliya hanoolaaaaaaaato

  4. yaredaacad says:

    Mashaa allah wey qurux badan tahay magaalada waxay umaleyey in aya tahay mesha hada aan joogo ee south africa waxa iqanciyey ganacsiga ay mesha kawadaan oo heersare ah dadaalka dadaal haku daraan waayo nin walbo wadankiisa wax udhaamo malahan waad mahadsan tihiin bahada idaacada radio mogadisho oo mar walbo inoo so tabiya waxa dalkeena ka dhacaya oo si bedel ah

  5. Ahmednuur says:

    Goobaha Waxbarashada Sawiradooda xataa soo galiya walaalayaal runtii waa dhiiri galin sawiradaan, waana mahadsantihiin.

  6. Ahmednuur says:

    Mideeda kale Gaalkacyo laba dhinac kuligood oo dhan soo sawira Measha allah.

  7. WiilPuntland says:

    Bismilaah. mahad oo dhan waxay u sugnaatay Allah waxaa kale oo mahad leh shaqaalaha warbaahinta qaranka oo had iyo jeer ka si daacad ah ugu adeega shacabka soomaliyeed axagga ka sii wada isku keenka umadda iyo soo bandhigidda bilicda dalkeena hooyo.Gaalkacyo waa magaalo balaadhatay oo horumartay intii dalku burburka ku jiray taasna waxay ku tusinaysaa haddii nabad la helo in bulshaddu horumar gaarayso. Gaalkacyo waxay leedahay labo maamul oo kala ah Puntland iyo Galmudug taas waxaan qabaa in ay khalad tahay waayo berlin oo Germalka ah ayaa sidaas aheyd markii darbiggii kala qaybinayay la dumiyay magaaldu waa horumartay marka waxaan jeclaan lahaa ama ila fiican in la mideeyo siyaasadda magaalada oo marna ay magaalada hogaankeeda loo dhiibo qof galmududg ah marna qof reer Puntland ah sidaasbaa ila quman nabadgalyada oo heerkaas gaarsiisay gaalkacyo waa in laga wada shaqeeya oo cadowka diidan nolosha si midaysan loola diriraa.

  8. gaboow says:

    WAAD MAHAD SANTAHAY MR CABDIQANI CARABEY SIDA WANAGSAN AAD UGA SHAQEEYSAY HORMARKA GALAKCYO WAXA TAHAY HALYEY JECEL HORMARKA GALAKCYO

  9. XUSNI says:

    GAALKACYO JANAAY. MAASHAA ALLAAH

    • ali yusuf says:

      ar shiikhow galkcyo jano maahee alaha nooga dhigo waa meel kulul xaga cimilada hadana biyo kharaar hadan roobku ku yaryahay marka tan aakhiro alaha noogaga deeqo tan aduunka

  10. dalyaqaan says:

    Maashaa allaah waxaan. Ku jeclahay. Warbaahinta qaranka somaliyeed. Sida sharafta leh ee ay noogu soo. Tabiyaan noona tusaan muuqaalka magaalooyinka waaweyn ee dalkeena mahadsanidiin waxaan idin leeyahay sii xoojiya dadaalkiina thank u

  11. abdiraxmaan karahaye says:

    asc.Masha allah aad baan ugu faraxsanahay magaaladeedii gaalkacyo aan ku dhashay waxna ku soo bartay inaa daawado maanta.ilaah ayaa mahadleh magaalada waxa ka muuqda bilic iyo harumar aad bay u qurxoontahay inkastoo xili hore iigu danbaysay 1999.hadana magaaladu aadbay u kortay oo u dhisantay hadey noqqon laheed adeega bulshada iyobilicda maagalada labadaba.waxaan wax ka baran jiray horaantii sagaashamaadkii schoolkii Omar samatar oo ku yaalay kadhadaha agtooda waa meesha la soo maro marka magalada laga sii baxayo.Magacaygu waa abdiraxman xasan oo ku magac dheer Mr.karahaye kolay rag badan oo isku xili aheen wey garandoonaan naynaastayda la iiga yaqaanay boarding schoolkii Sare ee omar Samatar.waxaan halkan uga hanbalyeeynaya shqaalaha radia muqdisho iyo dhamaan inta magacayga garanaysa.Hanbalyan leeyahay.!

  12. Bosaso gril says:

    masha alaah galkacayo magalada gaalkacayo sanadihii ugu danbeeyay horumar ma sameyn marka loo barbardhigo Bosaso iyo garoowe balse waxaa ka muuqda qurux iyo wanaag shacabka Somaliyeed iyo kuwa reer puntland waxaan leeyahay dhista dhulkiina wadankuna waa fadaraal ninkasta ha dhisto tuuladiisa ama magaaladisa caasumaduna way udhaxeysaa umada oo dhan iyadana hala soo celiyo sharaftey lahayd .

    ´sawirada soo badiyo galkacayo meela badan oo quruxbadan ayaan sawir laga soo qaadin sida hotelobadan oo ay caan ku tahay galkacayo viva galkacayao bosaso garoowe burco kismaayo baardheere kismaayo jawhar muqdisho ceergaabo laasacano iyo hargeisaba dhamaan umada somaliyeed

  13. wadani114 says:

    maashaa allaah allaha usii kordhiyo

  14. cabadi Naasir says:

    Maashaa Alaah. waa wax lagu farxo muuqaalada qurxoon ee laga soo qaaday Magaalada Gaalkacyo. Runtii Galkaio waxaa iigu dambeysay 5 sano ka hor. waxaan filayaa inay dadkii magaaalada ku noolaa ay wax weyn iska badaleen oo ay dantooda fahmeen una dhaqaaqeen dhanka horumarka.
    waxaan filayaa tani inay ugu wacantahay isbadelka dhanka ammaanka ah oo soo roonaanayey muddooyinkii ugu dambeysey taasoo way gacan weyn ka geysteen Maamulka Gobalka iyo Xukuumadda Dhexe ee Puntland.

  15. LADAN says:

    MASHLAAHAH ILAAH HA BULAALIYO WADANKEENA

  16. jaMAH says:

    Maashaa Alaah. waa wax lagu farxo muuqaalada qurxoon ee laga soo qaaday Magaalada Gaalkacyo. Runtii Galkaio waxaa iigu dambeysay 5 sano ka hor. waxaan

  17. Galmudug waad dhisteen Galkayo allaha idin siyaadiyo hormarka wanaagsan

  18. Mr.JAN-KHATUMO says:

    maasha-allaah ALLAW dalka noo hagaaji…. walaahi runtii wa wax lagu farxo…. AAD AYAAN UDAALACDAA WARBAAHINTA QARANKA NOOCYADEEDA KALA DUWAN MAXAA YEELAY WAXAY KA TARJUMAYAAN XAALADA DHABTA AH EE DALKA SOOMAALIYA….. MAASHA-ALLAH ….HAMBALYO.

  19. Daadir says:

    masha allah viva Galkacyo lakin meelihii aadka uqurxoona lamasoo sawirin aad ayaan ugu farxay sawirada Galkacyo masha allah

  20. abdi wahaab says:

    waa okey

  21. maxbuub yare says:

    asc wa wb akhyaarey maln wngsn really waa wax lagu farxo sawirada quruxda badan ee magalada galkaio sxbkayga qaaliga eh samatar wan ka xumahay runtii wax yaabaha qabyaaladdu ku jihto mudane iyo walba kalaqeybinta magladena yartaa mgcaneh iska sax mudane baraxlay ma ahane waa carafaat amba wadajir etc by all akhyaarata waa maxbuub inanka reer galmudug state somaliaaaaaaaaaaaaaaaaaaaa

  22. mr galkacyo says:

    masha allah..galkacyo cadeey , aad ayaan ugu faraxsanahay arageeda…meeshii aan ku dhashay kuna bar-baaray , dadka leh galmudug abtiyaal galkacyo galmudug kali ma ahan , ee puntland qayb ayay ka maamushaa…..galkacyo waa magaalada kaliya ee dad is jecel oo walaalo ay ku daganyihiin heshiis ay gaareen 19 sano kahro..via reer mudug

    abtiyaal nin dan gaar ah wato ayaa nagala dilaye waan isleenahay

  23. xalimo says:

    reer gaalkacyo hamlyo soomaali oo dhan waa u farxad markii indhaha wax ay ku farxaan la tuso gacmaha ha leys qabsado been wax ma tarto lama huraan waa wadankeena hooyo gobol gobol ka maarmo ma jiro aan runta isku sheegno waxan nahay dad wada dhashay ee aan isku meel uga soo jeesano kuwa diidan qaranimadeena thanks radio muqdisho

  24. cabdi nuur xasan says:

    waxaan ku faraxsanahay anan ku arko sawiradaan magalada galkacyo wabsiteka radio mugadisho idaacada karanka

  25. waaaaaaaaaaaaaaaaaaq haaaaaaaaaaaaaaaaaaa

  26. Waaaaw masha allaah harmarka wadankena aad aya u jeclahay dadka iyo dalka dhamantin waan idin salamay




Please note: Comment moderation is enabled and may delay your comment. There is no need to resubmit your comment.

Toos U Dhageyso Radio Muqdisho

Wararka

SHIRKA7

Suxufiyiin Soomaaliyeed oo Siminaar loogu soo gabagabeeyay Magaalada Kampala ee Dalka Uganda ”SAWIRO”

Siminaarkan oo ay ka qeyb galeen ku dhawaad ...
Astaanta-Bandhiga-Wareysiyada12-150x150

Dhageyso barnaamijka Bandhigga Wareysiyada ee Radio Muqdisho

[audio mp3="http://radiomuqdisho.net/wp-content/uploads/2014/09/Bandhiga-Waraysiyada-Mustaf-Warcadeeye-01.09.2014-ok.mp3"][/audio]
astaanta-warka161-150x150

Dhageyso Warka habeennimo ee Radio Muqdisho

[audio mp3="http://radiomuqdisho.net/wp-content/uploads/2014/09/WAR-HABEEN-01.09.2014-ok.mp3"][/audio]
DSCN0150

Ku Simaha Madaxweynaha Dalka Oo Si Heer Sare Ah Loogu Soo Dhaweeyey Baydhabo “SAWIRRO”

Ku simaha Madaxweynaha Dalka ahna Gudoomiyaha Golaha Shacabka ...
01 (12)

DAAWO VIDEO:Taliyaha ciidanka Xoogga Dalka oo qaabilay taliyaha ciidanka Mareykanka ee Geeska Afrika (Sawirro)

Taliyaha ciidammada Mareykanka ee dalalka Geeska Afrika Jeneral ...
1

Maamulka Gobolka oo gaadiid loogu adeegayo bulshada guddoonsiiyay shan Degmo(Sawirro+Muuqaal)

Maamulka gobolka Banaadir ayaa maanta 5 gaadiid ah ...
somali-president-hassan-sheikh-mohamud

Madaxweyne Xasan Sheekh oo Kenya uga qeyb galaya shir looga hadlayo argagixisada

Madxweynaha Jamhuuriyadda Federaalka ah ee Soomaaliya Mudane Xasan ...
astaanta-warka16

Dhageyso Warka Duhurnimo ee Radio Muqdisho

[audio mp3="http://radiomuqdisho.net/wp-content/uploads/2014/09/WARKA-DUHUR-01.09.2014.mp3"][/audio]
DSC08902

Jaamacadaha Soomaaliya iyo Jamhuuriya oo soo bandhigay arday cusub oo ay qaateen “SAWIRRO”

Munaasabaddaani dib loogu furayay Jaamacadda Jamhuuriya oo ay ...
unnamed (2)

Daawo Golaha Wasiirada oo meel-mariyay hindise sharciyeedka xeerka saxaafadda “SAWIRRO”

Muqdisho, September 01, 2014—Ra’iisul Wasaare-ku-xigeenka Xukuumadda Federaalka Soomaaliya, ...
Sawirka Gudoomiye Jawaari

Ku-simaha Madaxweynaha Dalka oo Baydhabo kula shiraya odoyaal dhaqameed

Ku-simaha Madaxweynaha dalka ahna Guddoomiyaha Baarlamaanka Federaalka ah ...
DSC00796

Xeer Ilaaliyaha Qaranka oo soo bandhigay warqado been abuur ah “SAWIRRO”

Xeer Ilaaliyaha Guud ee Qaranka Mudane Axmed Cali ...
vlcsnap-2014-09-01-13h44m54s131

Wasiirro Iyo Xildhibaano Ka Qeybgalay Xaflad Lagu Furayay Shirkada Duulimaadka Som Air(Sawirro+Muuqaal)

Wasiirro ka tirsan xukuumadda ayaa ka qeybgalay munaasabad ...
heshiis

Dibadbaxyo Lagu taageerayay Heshiiski Barre Hiiraale Iyo Axmed Madoobe Oo Ka Dhacay Deegaanno Ka Tirsan G/Jubbada/Hoose

Dibadbaxyo lagu taageerayay heshiiskii lagu soo afjaray khilaafkii ...
astaanta-warka16

Dhageyso Warka SUbax Ee Radio Muqdisho

[audio mp3="http://radiomuqdisho.net/wp-content/uploads/2014/09/WAR-SUBAX-1-9-2014.mp3"][/audio]
IMG_65111

Ambasador Cali Americo oo Xalay Kulan La Qaaday Soomaalida Ku Nool Xaafada Islii iyo Saraakiisha Ammaanka “SAWIRRO”

Safiirka Dowlada Soomaaliya u fadhiya dalka Kenya Maxamed ...
Astaanta-Bandhiga-Wareysiyada125

Dhageyso barnaamijka Bandhigga Wareysiyada ee Radio Muqdisho

Barnaamijka Bandhigga Wareysiyada waxa uu ka mid yahay ...
vlcsnap-2014-08-31-16h39m16s249

Ciidamada qalabka sida ee Soomaaliya oo la wareegay deegaanno hor leh oo ka tirsan labada Shabeelle iyo Hiiraan “SAWIRRO”

Ciidamada qalabka sida ee Soomaaliya oo kaashanaya kuwa ...
astaanta-warka16

Dhageyso Warka Habeen ee Radio Muqdisho

[audio mp3="http://radiomuqdisho.net/wp-content/uploads/2014/08/WARKA-HABEEN-31.08.2014.mp3"][/audio]
dhalinyaro

Guddiga maamul u sameynta Gobollada Mudug iyo Galgaduud oo la taageerayay

Kulankani lagu taagerayay magacabista guddiga maamul u sameynta ...
waali6

Wakiilada beesha caalamka ee joogo Soomaaliya oo soo dhaweeyay horumarka laga gaaray dib-u-heshiisiinta Kismaayo

Muqdisho, 31 Agosto 2014 – Qaramada Midoobay, Urur ...
wasiirka warfaafinta

Weerarakii gaadmada ahaa ee Al-shabaab ku qaaday xabsiga Jilicow oo guuldaro ku dhamaaday War-saxaafadeed

Agosto 31, 2014....Ciidamada amniga ayaa gaashaanka u daruuray ...
astaanta_qaranka11 ok

Wasaaradda Caafimaadka oo daah furtay shir looga hadlayo horumarinta adeegyada caafimaadka “DAAWO”

Wasiirka Caafimaadka ee Xukuumadda Soomaaliya ayaa maanta daah ...
IMG_0458

Majmaca Culimada Soomaaliya oo Muqdisho ka hirgeliyay xafiis loogu adeegayo bulshada “SAWIRRO”

Majmaca Culimada Soomaaliya ayaa maanta furay xafiska la ...
Dagaal-1

DAAWO: Ciidamada qalabka sida ee Soomaaliya oo la wareegay deegaanka Dhiin-garas ee G/Sh/Dhexe

Ciidamada qalabka sida ee Soomaaliya gaar ahaan kuwa ...
astaanta-warka16

Dhageyso Warka Duhurnimo ee Radio Muqdisho

[audio mp3="http://radiomuqdisho.net/wp-content/uploads/2014/08/WARKA-DUHUR-31.08.2014.mp3"][/audio]
howlgal

DAAWO VIDEO:Ciidamada nabad sugidda oo ka hortaggay weerar ay Al-Shabaab ku qaadeen xarunta Nabadd sugidda ee Gobolka Benaadir

Ciidamada Hay’adda Nabad sugidda iyo Sirdoonka Qaranka ayaa ...
Marwo Khadiijo

Wasaaradda Haweenka oo gaadiid ku wareejisay arday agoon ah “DAAWO VIDEO”

Wasiirka Haweenka iyo xaquuqul insaanka Xukuumadda Soomaaaliya  Khadiijo  ...
2

Xiriirka Kubadda cagta Soomaaliyeed oo guddoon cusub yeeshay “SAWIRRO”

Waxaa magaalada Muqdisho lagu qabtey Doorashadii 6-aad ee ...
howlgal ciidamada xds

Ciidamada XDS Iyo Kuwa AMISOM Oo La Wareegay Deegaano Ka Tirsan G/SH/Dhexe

Iyadoo howlgalka Badweynta Hindiya uu shalay ka bilowday ...
waali2

Bulshada Ku Dhaqan Jubbooyinka Oo Si Diirran U Soo Dhaweeysay Dadaalada Dib U Heshiisiineed Ee Dowladda (Dhageyso+Sawirro))

Dhadka ku nool gobollada Jubbooyinka ayaa si weyn ...
astaanta-warka16

Dhageyso Warka Subax Ee Radio Muqdisho

[audio mp3="http://radiomuqdisho.net/wp-content/uploads/2014/08/WAR-SUBAX-31-8-2014.mp3"][/audio]
Astaanta-Bandhiga-Wareysiyada12-150x150 (1)

Dhageyso barnaamijka Bandhigga Wareysiyada ee Radio Muqdisho

Barnaamijka Bandhigga Wareysiyada waxa uu ka mid yahay ...
1

R. W. Cabdiwali: “Go’aanka Bare Hiiraale uu qaatay, waa mid dhiiri galinaya nabadaynta Jubooyinka” “DAAWO VIDEO”

Wafdiga Wasiirada ahaa iyo Barre Hiiraale ayaa caawa ...

Tubta Toosan

Sh Cali Wajiiz

Sheikh Cali Wajiiz oo si qoto dheer uga hadlay taariikhda kooxaha xag jira

  Taariikhda Islaamka kuma cusba kooxaha xag jirka ah ...

Islaamka iyo Xagjirnimada Dhageyso

Shareecada Islaamku waa diin dhex dhexaadnimo waxayna ka ...
Dhallinnyaro

Maalinta Caalamiga ah ee dhallinyarada, Waa side xaaladda dhallinyarada Soomaaliyeed?

  Maanta oo ay taariikhdu tahay 12 August waa ...