Daawo Sawiro.Wasiirka Howlaha Guud iyo Degadaha oo Kulamo ku La qaatay Khartoum Madax Dowladda Sudan ah.

Wafdi uu Horkacayo Wasiirka Howlaha Guud iyo Dekadaha Dowladda Federaalka ah ee Soomaaliya  Mudane : Muxudiin Maxamed Kaalmooy oo Xiligan ku sugan Magaalada Khartoum Dalka Sudan  ayaa Maanta kulamo la qaatay Madaxda Dowr Wasaaradood  oo shaqadoodu hoos Tagto Howlaha guud.

Wasiirka ayaa 10 Subaxnimo ee Maanta kulan kula qaatay Hoyhooda Wasaarada Dhismaha Guud ee Dalka Sudan halkaas oo ay kusoo dhaweeyeen Agaasimaha guud iyo Agaasime waaxeedyada Wasaaradaas.

Wasiirka ayaa inta Kulankaas ay ku jireen waxa ay ka wada hadleen labada dhinac Isdhaafsiga Khibrada iyo Khubarada ku Taqasusay Dhanka Dib u dhiska Dalka, waxa uuna Wasiirku ka Codsaday Madaxdii halkaas joogtay in ay kala shaqeeyaan Sidii ay Dowladda Sudan aan marnaba horay uga daalin gacansiinta Dadka iyo Dalka Soomaaliyeed ay usii laba laabi lahaayeen.

Waxa uuna Wasiirku Mudane: Muxudiin Maxamed Kaalmooy oo ugu mahadnaqay Dowladda Sudan sida hagar La’aanta ah ee Dowladda Soomaaliya u garab taagan tahay.

Sidoo kale Wasiirka Howlaha Guud iyo Dakadaha  iyo Wafdiga uu hugaaminayo ayna ku wehliyeen Shaqadooda Howlwadeeno Safaarada Ka socota oo uu Hor kacayo Danjiraha Soomaaliya u fadhiya Dalka Sudan Mudane: Maxamed C/laahi Ugaas ayaa waxa ay kulamo la qaateen Madax Wasaarada Korantada iyo Biyo Xireenka halkaasoo ay sidoo kale kula soo kulmeen Madaxda wasaaradaas iyo Agaasima waaxeedyada.

Waxa ayna Kulan kaas ay la qaateen ay kaga wada hadleen sidii Soomaaliya ay gacan Buuxda uga siin lahaayeen in Dib looga dhiso Dhanka Koronta Dhalinta ayna Wasaaradaas gaar ahaan ay u Dirto Khubaro Sudan ah sidoo kale ay u taba baraan Aqoonyahana Soomaaliyeed ee Wasaradda  Howlaha Guud raacsan si iyaga u buuxiyaan shaqadii Fal galinta Howlaha Qaranka Soomaaliyeed.

Dhanka kale Wasiirka ayaa waxa uu kulan la qaatay Wasiiru Dowlaha Wasaraada Khayraadka Biyaha Marwo Daadina Butrus, iyadoo labada Mas’uul ka wada hadlay Xariirka Soo jireenka ah ee u dhaxeeya Soomaaliya Iyo Sudan.

Wasiirada oo la hadlaysa Saxaafada Kulan kaas ka dib ayaa u Hambalyaysay Guusa ay Ay si guud Soomaaliya u gaartay oo ahayd midii Kasoo bixitaanka Kumeel Gaarnimadii iyo Doorashadii Dimuqaradiga ahayd uu kusoo baxay Madaxweyne Xasan Sheekh Maxamuud.

Dhankiisa Wasiirka oo isagana ka hadlay kulankaas ayaa isagana uga mahadnaqay xusayna in Hishiis ay wada saxiixan doonaan Labada wasaaradood hasayeeshee ay Khubara Wafdiga ay ka wada shaqaynayaan Qaabkii hishiiskaas loo dhigi lahaa.

Dhankiisa Safiirka Safaarada Soomaaliya ee Dalka Sudan Danjire Maxamed C/laahi Ugaas ayaa isagana u mahadnaqay Dowladda Sudan shacab ahaan iyo Xukuumad intaba Sida hagar la’aan ah ay u garab Taagan yihiin Walaalahood Soomaaliyeed.

Safiirka ayaa intaas ku daray in walaaha Sudan looga baahnayn oo kaliya in iyaga uun ay Soomaaliya Taageerto hasayeeshee loo baahan yahay in ay ka gacansiiso Ayna u tilmaanto Meelaha ama wadamada Lays Oran karo Soomaaliya way taageeri karaan oo ay u fakiraan in wadankoodii oo kale yahay.

Ugu Dambeentii Socodka Wasiirka Howlaha Guud iyo Degadaha Mudane Muxudiin Maxamed Kaalmooy  oo ay ku wehliyaan Xubno Khubaro ah oo 4 Xubnood ka kooban ayaa waxa ay aad ugu mahadnaqeen  sida Qadarinta leh ee usoo dhaweeyeen walaalahood Sudan .

Hadaba Akhristayaasha Sharafta leh waxa aan idiin soo Gudbinaynaa Sawiro Muujinaya Kulamadii uu Wasiirka La yeeshay Madaxda Dalka Sudan waxaana ugu horeeya.

Sawiradan waa kuwa Muujinaya Kulanka uu Wasiirka la yeeshay Wasaarada Guryaynta ee Dowladda Sudan

Qaybta hoose ka daawo. sawiro Muujinaya Bandhig ay Sameenayeen Khubaro Sudan ah oo ay kaga Hadlayeen Qaabka iyo Qorshaha U dagsan Wasaarada Guryeenta ee Dowladda Sudan.

Qaybtan Hoose ka daawo Kulanka uu Wasiirka la qaatay Wasaarada Korontada iyo Biyo Xireenka ee Dowladda Sudan.

 Halkan Hoose ka Daawo Kulanka Wasiirka uu la qaatay Wasiiru Dowlaha wasaaradda Khayraadka Biyaha iyo Korontada.

Photo By: Fiidow Maxamuud Fiidow 

                    Sudan Khartoum